گولوۆكيننىڭ جاتتىقتىرۋشىسى «كانەلو» داۋىنا قاتىستى پىكىر ءبىلدىردى
سانچەس ا ق ش- تىڭ نيەۆادا شتاتى اتلەتيكالىق كوميسسياسىنىڭ تارتىبىمەن بوكسشىلاردىڭ جاعدايلارى سپورتتان شەتتەتىلگەن كەزەڭ ىشىندە نەگە قاداعالانبايتىندىعى تۋرالى ايتتى.
«مەن وسىمەن كەلىسپەيمىن، بۇل تۋرالى ەرەجە دە جوق. جالپى ايتقاندا ديسكۆاليفيكاتسيالانعاننان باستاپ سپورتقا ورالۋىنا دەيىنگى كەزەڭدە ولار باقىلاۋدى جوعالتادى. بۇل دەگەنىڭىز «كانەلو» تارابى اتالعان كەزەڭ ىشىندە كوميسسيا الدىندا مىندەتتى تەستىلەۋدەن وتپەيدى دەگەن ءسوز. مەن بۇل سۇراقتى قايتا-قايتا كوتەرىپ ءجۇرمىن. ءبىراق وعان ەشكىم جاۋاپ بەرگىسى كەلمەيدى»، - دەدى سانچەس.
ەسكە سالا كەتەيىك، كانەلونىڭ دوپينگ سىناماسىنان تىيىم سالىنعان زاتتىڭ تابىلۋىنا بايلانىستى گەننادي گولوۆكين پىكىر ءبىلدىرىپ، ساۋل الۆارەس شىنايى ءجۇزىن كورسەتتى دەگەن بولاتىن.
ا ق ش- تىڭ نيەۆادا شتاتى اتلەتيكالىق كوميسسياسىنىڭ شەشىمىمەن مەكسيكالىق بوكسشى ساۋل الۆارەس دوپينگ قولدانعانى ءۇشىن التى ايعا سپورتتان شەتتەتىلدى.