ەلباسى دميتري مەدۆەديەۆتى ر ف ۇكىمەتىنىڭ ءتوراعاسى لاۋازىمىنا تاعايىندالۋىمەن قۇتتىقتادى

استانا. قازاقپارات - نۇرسۇلتان نازاربايەۆ دميتري مەدۆەديەۆكە رەسەي فەدەراتسياسى ۇكىمەتىنىڭ ءتوراعاسى لاۋازىمىنا تاعايىندالۋىنا بايلانىستى قۇتتىقتاۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى دميتري مەدۆەديەۆتى رەسەي فەدەراتسياسى ۇكىمەتىنىڭ ءتوراعاسى لاۋازىمىنا تاعايىندالۋىمەن قۇتتىقتادى.

«ءسىزدىڭ رەسەي ۇكىمەتىنىڭ باسشىلىعىنداعى قىزمەتىڭىز ەلىڭىزدىڭ ەكونوميكالىق تۇرعىدان ودان ءارى دامۋىن جانە حالىقتىڭ الەۋمەتتىك ءال-اۋقاتىنىڭ ارتا ءتۇسۋىن قامتاماسىز ەتەدى دەپ سەنەمىن.

ەلدەرىمىز اراسىنداعى تاتۋ كورشىلىك، ءوزارا قۇرمەت پەن تەڭ قۇقىلى ىنتىماقتاستىق قاعيداتتارىنا نەگىزدەلگەن ستراتەگيالىق قارىم-قاتىناستار الداعى ۋاقىتتا دا حالىقتارىمىزدىڭ يگىلىگى جولىندا نىعايىپ، ءارى قاراي دامي بەرەتىنىنە سەنىمدىمىن»، - دەلىنگەن جەدەلحاتتا.

قازاقستان پرەزيدەنتى نۇرسۇلتان نازاربايەۆ د. مەدۆەديەۆكە دەنساۋلىق، اماندىق جانە جاۋاپتى مەملەكەتتىك لاۋازىمدا جاڭا جەتىستىكتەر، ال دوستاس رەسەي حالقىنا بەيبىتشىلىك پەن باق-بەرەكە تىلەدى.