ىستانبۇلدا قازاقستان مەن تۇركيانىڭ جاڭا ينۆەستيتسيالىق جوبالارى تالقىلاندى
كەزدەسۋلەر ەكى ەل اراسىنداعى ەكونوميكالىق ىنتىماقتاستىقتى جانداندىرۋ ماقساتىندا ۇيىمداستىرىلعان، دەپ حابارلايدى ق ر ۇكىمەتىنىڭ باسپا ءسوز قىزمەتى.
ق ر ينۆەستيتسيالار جانە دامۋ ۆيتسە-ءمينيسترى ارىستان قابىكەنوۆتىڭ باسشىلىعىمەن قازاقستاندىق دەلەگاتسيا قۇرامىنا بيزنەس قاۋىمداستىعى، مەملەكەتتىك ورگاندار، ۇلتتىق كومپانيالاردىڭ جانە ت. ب. وكىلدەرى كىردى.
ءبىر اپتا ىشىندە قازاقستان دەلەگاتسياسى Yildirim Holding جانە Calik Holding سەكىلدى تۇركيانىڭ ءىرى ونەركاسىپتىك توپتارىنىڭ باسشىلارىمەن كەزدەستى، ولارعا Calik Enerji مەن Lidya Madencilik سەكىلدى كومپانيالار كىرەدى.
كەزدەسۋ بارىسىندا Calik Holding وكىلدەرى قازاقستان اۋماعىندا جوبالاردى ىسكە اسىرۋعا ءازىر ەكەندەرىن جەتكىزدى. ماسەلەن، كومپانيا ءبىرىنشى كەزەڭدە قۋاتتىلىعى 50 مۆت بولاتىن كۇن ەلەكتر ستانساسىنىڭ قۇرىلىسىن باستاۋعا جانە جاڭارتىلاتىن ەنەرگيا كوزدەرى بويىنشا جوبالاردى جۇزەگە اسىرۋعا سالىناتىن ينۆەستيتسيالاردى ۇلعايتۋ مۇمكىندىگىن قاراۋعا نيەتتى.
سونداي-اق، كەزدەسۋ بارىسىندا تاۋ-كەن مەتاللۋرگيا سالاسى مەن ەنەرگەتيكا سەكتورىندا ىنتىماقتاستىقتى نىعايتۋ ماسەلەلەرى تالقىلاندى.
بۇدان وزگە، Yildirim Holding باسشىلىعى قازاقستاندا تاۋ-كەن مەتاللۋرگيا كەشەنى سالاسىندا جووبالاردى ىسكە اسىرۋعا قىزىعۋشىلىق تانىتتى. «قازگەولوگيا» ا ق مەن حولدينگ اراسىندا قاتتى پايدالى قازبالاردى ىزدەستىرۋ ماقساتىندا جەر قويناۋىن گەولوگيالىق بارلاۋ جونىندە بىرلەسكەن كاسىپورىن قۇرۋ تۋرالى ۋاعدالاستىققا قول جەتكىزىلدى.
بۇگىنگى تاڭدا ەكى تاراپ بەس جوبا بويىنشا جۇمىستار اتقارىپ جاتىر. سونىمەن قاتار، حولدينگ بيىل جازدا جامبىل وبلىسىندا گەولوگيالىق بارلاۋ جۇمىستارىن باستاۋدى كوزدەپ وتىر.
دەلەگاتسيا مۇشەلەرى ءدارى- دارمەك جانە تۇتىنۋ تاۋارلارىن وندىرۋمەن اينالىساتىن Eczacıbaşı Holding جانە قازاقستاندا فابريكالار اشۋعا قىزىعۋشىلىق تانىتقان، توقىما سالاسىنداعى جەتەكشى كومپانيالاردىڭ ءبىرى Bak-Ay Tekstil باسشىلىعىمەن كەزدەستى.
ايتا كەتەيىك، Calik Holding - تۇركيانىڭ ەنەرگەتيكا، قۇرىلىس، قارجى، تاۋ-كەن مەتاللۋرگيا، توقىما جانە تەلەكوممۋنيكاتسيالار سالاسىندا قىزمەت كورسەتەتىن ءىرى قارجى- ونەركاسىپتىك توپتارىنىڭ ءبىرى.
Lidya Madencilik-كە تۇركيانىڭ ەكىنشى ەڭ ءىرى التىن كەنىشى «چەپلەر گولد» شاحتاسىنىڭ %20، Alacer Gold-پەن بىرگە بارلاۋ پورتفەلىنىڭ %50 تيەسىلى. شاحتادا التىن العاش رەت 2010-جىلعى جەلتوقسان ايىندا وندىرىلگەن، قازىرگى تاڭعا دەيىن شامامەن 1,2 ميلليون التىن ۋنتسياسى وندىرىلگەن.
Yildirim Holding - الەمدەگى حروم ونەركاسىبىندەگى ءتورتىنشى ءىرى ويىنشى، تۇركيانىڭ اممياك جانە ازوت قىشقىلىنىڭ كالتسيلەنگەن تىڭايتقىشىن وندىرەتىن ءىرى ءوندىرۋشىسى. كومپانيا جىلدىق اينالىمى $2,2 ميلليارد قۇرايتىن 11 سەكتوردا جۇمىس ىستەيدى.