ب ۇ ۇ شتاب-پاتەرىندە قازاقستاندىق ج و و- نىڭ جاڭا دامۋ ۇلگىسى تانىستىرىلدى
بۇل باستامانى ءال-فارابي اتىنداعى قازاق ۇلتتىق ۋنيۆەرسيتەتى ۇسىنعان. ال يدەيانى ب ۇ ۇ وركەنيەتتەر اليانسى جانە قازاقستاننىڭ حالىقارالىق ۇيىمداعى وكىلدىگى قولدادى، دەپ حابارلايدى «حابار 24».
فورۋمعا قاتىسۋشىلار «ۋنيۆەرسيتەت 4.0.» اتتى قازاقستاندىق جوعارى وقۋ ورنىنىڭ جاڭا دامۋ ۇلگىسىمەن تانىستى. بۇل جوبا «بولاشاققا باعدار: رۋحاني جاڭعىرۋ» مەملەكەتتىك باعدارلاماسىنا نەگىزدەلىپ جاسالعان.
قاز ۇ ۋ رەكتورى ءوز سوزىندە ۇلى فيلوسوف ءال-فارابيدىڭ يدەياسىنا نەگىزدەلگەن ۋنيۆەرسيتەتتىڭ 4.0 جاڭا مودەلىن تانىستىردى. قازاقستاندىق جوعارى وقۋ ورنىنىڭ بۇل جاڭا ۇردىسىنە بىرىككەن ۇلتتار ۇيىمى وركەنيەتتەر اليانسىنىڭ جوعارعى وكىلى ناسير ابدۋلازيز ءال-ناسەر قولداۋ كورسەتتى. ول وسى باستامانىڭ ماڭىزدىلىعىنا توقتالدى جانە الەمنىڭ باسقا دا ۋنيۆەرسيتەتتەرىن ب ۇ ۇ- نىڭ «جاھاندىق ازاماتتىق» باعدارلاماسى اياسىندا جاستاردى تاربيەلەۋگە ناقتى قادامدار جاساۋ ءۇشىن بىرىكتىرۋگە شاقىردى.
«قاز ۇ ۋ- دىڭ تاجىريبەسى مەن باستامالارى ب ۇ ۇ- نىڭ «اكادەميالىق ىقپالى» عالامدىق حابىنىڭ باعدارلامالارى ءۇشىن وزەكتى ءارى سۇرانىسقا يە. ال ءال- فارابي مۇراسى بۇگىنگى كۇنگە دەيىن ءبىلىمنىڭ كەمەل كۇشى بولىپ تابىلادى»، - دەدى ب ۇ ۇ وركەنيەتتەر اليانسىنىڭ جوعارعى وكىلى ناسير ابدۋلازيز ءال-ناسەر.
ال ءال-فارابي اتىنداعى قاز ۇ ۋ رەكتورى عالىم مۇتانوۆ: قازىرگى زاماندا ۋنيۆەرسيتەتتەردىڭ ءارى قاراي دامۋ ەۆوليۋتسياسىندا قانداي مودەل بولۋى كەرەك؟ سول سەبەپتى ءبىزدىڭ تاراپىمىزدان «ۋنيۆەرسيتەت 4.0» دەگەن جاڭا مودەل ۇسىنىلدى. قازىرگە دەيىن ءبىلىم-عىلىم ماڭىزدى بولىپ كەلسە، قازىرگى باعىتتا رۋحاني بايلىق، جاستاردىڭ بويىنا رۋحاني قۇندىلىقتاردى ءسىڭدىرۋ - سول باعىتتا ءوزىمىزدىڭ ۇلگىمىزدى كورسەتىپ، جاقسى قولداۋ تاۋىپ جاتىرمىز»، - دەدى.
«ۋنيۆەرسيتەت 4.0» ۇلگىسى اياسىندا قازاق ۇلتتىق ۋنيۆەرسيتەتى «Al-Farabi university smart city» بىرەگەي جوباسىن جۇزەگە اسىرىپ جاتىر. سونداي-اق ب ۇ ۇ باس اسسامبلەياسىنىڭ 66-سەسسياسىندا قازاقستان پرەزيدەنتى ۇسىنعان «جاسىل كوپىر» باستاماسىن ىسكە اسىرۋعا باعىتتالعان «جاس ۇرپاق ارقىلى جاسىل كوپىر» باعدارلاماسى ىسكە قوسىلماق.