ۋ ە ف ا سۋپەركۋبوگى قازاقستاندا ءوتۋى ىقتيمال

استانا. قازاقپارات - ەۋروپالىق فۋتبول قاۋىمداستىعىنىڭ اتقارۋشى كوميتەتى (ۋ ە ف ا) كيەۆتە وتەتىن وتىرىسىندا 2020-جىلعى ەۋروكۋبوگى يەسى بولاتىن قالانى اتايدى، دەپ جازادى sports.kz ۇيىمنىڭ رەسمي سايتىنا سىلتەمە جاساپ.

بۇل وتىرىس ۋكراينا استاناسىندا 24- مامىردا وتەدى.

2020-جىلى چەمپيوندار ليگاسىنىڭ فينالدىق ويىندارىنان ليسسابون مەن ىستانبۇل ءۇمىت ەتىپ وتىر. ماسكەۋلىك «دينامو» ستاديونى ۆەنامەن جانە بەلگيالىق لەجبەن ايەلدەر اراسىنداعى فينالدىق ويىنداردى وتكىزۋگە تالاسادى.

ەۋروپا ليگاسىنىڭ فينالىنا پورتۋ مەن گدانسك ءوتىنىش بەردى.

ال، ۋ ە ف ا سۋپەركۋبوگىن وتكىزۋدەن توعىز ەل: بەلارۋس، فينليانديا، فرانسيا، البانيا، يزرايل، قازاقستان، مولداۆيا، سولتۇستىك يرلانديا، پورتۋگاليا ءۇمىتتى.