گولوۆكين كەلەسى جەكپە- جەكتە كىممەن كەزدەسەدى
ونىڭ ايتۋىنشا، جاپوندىق ريوتا مۋراتاعا قارسى جەكپە- جەكتى توكيو قالاسىندا وتكىزسە، ءبىراز ادام جينالار ەدى. سەبەبى 32 جاستاعى مۋراتا (14-1, 11 ك و) ءوز ەلىندە كەڭىنەن تانىمال. وعان قوسا، «وليمپيادا چەمپيونى» دەگەن اتاعى بار. سوندىقتان 55 مىڭ ورنى بار «Tokyo Dome» ارەناسىن وپ- وڭاي تولتىرۋعا بولادى.
«مۋراتا ءوز ەڭبەگىنىڭ ارقاسىندا ءبىراز جەتىستىكتەرگە جەتتى. جاپونيادا ونىڭ قاتىسۋىمەن بولاتىن شارالار ۇلكەن انشلاگپەن وتەدى. تەلەرەيتينگتەرى دە جوعارى. وعان قوسا، ريوتا مۋراتا - WBA بويىنشا ءبىزدىڭ مىندەتتى ۇمىتكەرىمىز. بۇل ۇلكەن جەكپە- جەك بولاتىن ەدى. گەنناديدىڭ ءوزى ايتتى عوي، «كانەلوعا» قارسى رەماتچ ەڭ ۇلكەن جەكپە- جەك بولىپ سانالادى. الايدا بۇگىندە ورتا سالماقتىڭ جىگىتتتەرى اشىلعان سياقتى. بارلىعى GGG گە قارسى شىعۋدى قالايدى. بۇرىن ولار قاشىپ جۇرەتىن» ، - دەدى ت. لەففلەر.
ايتا كەتەيىك، سوڭعى جەكپە- جەكتە گەنناديي گولوۆكين امەريكالىق ۆانەس مارتيروسياندى نوكاۋتپەن جەڭىپ، ءوز تيتۋلدارىن 20- رەت قورعاپ شىقتى. ولار جاعىنان GGG تانىمال بەرنارد حوپكينسپەن تەڭەستى. ءدال وسى جەكپە- جەكتەن كەيىن حالىقارالىق بوكس فەدەراتسياسى (IBF) گەننادي گولوۆكيندى ۋكرايندىق سەرگەي دەريەۆيانچەنكوعا قارسى شىعۋعا مىندەتتەپ وتىر. سونىڭ سالدارىنان بيىل الۆارەسكە قارسى رەماتچ وتپەي قالۋى ابدەن مۇمكىن. GGG- ءدىڭ كومانداسى اتالعان مىندەتتەمەنى كەيىنگە شەگەرۋدى سۇرادى.