بەيتانىس ايەلدىڭ جاعدايىنا الاڭداعان ساكەن مايعازيەۆ جۇرتتىڭ جۇرەگىن ەلجىرەتتى

None
None
 استانا. قازاقپارات- ءانشى ساكەن مايعازييەۆ ناۋقاستانىپ قالعان ايەلدىڭ جاعدايىن ءبىلۋ ءۇشىن قازىعۇرت اۋدانىنداعى شاراپحانا اۋلىنا ارنايى ات باسىن بۇرعان.

ءانشىنىڭ كەلگەنىن كورگەن ايەل قاتتى قۋانىپ قالعان ەكەن، دەپ حابارلايدى Stan.kz.

ساكەن مايعازيەۆتىڭ ايتۋىنشا، ول گۇلبارشىن ساكەن قىزى ەسىمدى ايەلدىڭ ۇيىنە بارىپ، جاعدايىن بىلگەننەن كەيىن، ناۋقاس ايەل جان ساقتاۋ بولىمىنە ءتۇسىپ قالىپتى.

«ەكى كۇن بۇرىنعى قازىعۇرتقا ساپارىمدا گۇلبارشىن دەگەن بەيتانىس قارىنداسىما ارنايى بارىپ، شاراپحانا ەلدى- مەكەنىنە ات باسىن بۇرىپ، ءحالىن سۇراپ شىققان ەم. توسەك تارتىپ جاتقان قىز باسىن كوتەرىپ، سۋرەتكە ءتۇسىپ، كوڭىلى كوتەرىلىپ قالىپ ەدى. مەن كەتكەن سوڭ تاعى جانساقتاۋ بولىمىنە ءتۇسىپ قالىپتى. گۇلبارشىن ساكەن قىزىنا دۇعا جاساپ قويىڭىزدارشى» ، - دەپ جازدى ءانشى Instagram جەلىسىندەگى پاراقشاسىندا.

ءوز كەزەگىندە جەلى قولدانۋشىلارى ساكەننىڭ ارەكەتىنە ءتانتى بولىپ، گۇلبارشىننىڭ ساۋىعىپ كەتۋىن تىلەپ جاتتى.

سوڭعى جاڭالىقتار