ينتەرنەت ارقىلى شايگە تاپسىرىس بەرىپ، ەسىرتكى العان

 استانا. قازاقپارات - بوريسوۆا تۇرعىنى ينتەرنەت ارقىلى شايعا تاپسىرىس بەرىپ، ەسىرتكى العان. بۇل تۋرالى بەلتا مينسك قالالىق اتقارۋ كوميتەتى ق ءى ءى ب- گە سىلتەمە جاساپ حابارلايدى.

ميليتسيادان ءمالىم ەتكەندەي، 4 - مامىردا جەدەل جاردەم پسيحيكالىق بەلسەندى زاتتاردان ۋلانعان ەر ادامدى اۋرۋحاناعا جەتكىزگەن.

«اۋرۋحاناعا جەتكىزىلگەن بوريسوۆانىڭ 32 جاستاعى تۇرعىنىنىڭ جەكە زاتتارىن تەكسەرۋ كەزىندە جاسىل ءتۇستى 10 گرامم ۇنتاق تابىلعان. جۇرگىزىلگەن ساراپتامادا كورسەتىلگەندەي، ول ەسىرتكىلىك زات - ميتراگينين بولىپ شىققان» ، - دەدى قالالىق ىشكى ىستەر باسقارماسىندا.

 ەر ادامنىڭ ايتۋىنشا، ول ەتنيكالىق شايلار ساتاتىن ۋكرايندىق سايت ارقىلى تاپسىرىس بەرگەن. ول شايدىڭ اقشاسىن ونلاين ارقىلى تولەگەن، كەيىن وعان تاپسىرىسىن پوشتا ارقىلى سالىپ جىبەرگەن. ول ۇنتاقتى سۋمەن ارالاستىرىپ ىشەدى. مينسكىگە كەلگەننەن كەيىن ءوزىن جايسىز سەزىنە باستاعان.

اتالمىش فاكتى بويىنشا قىلمىستىق كودەكستىڭ 328-بابى 1-بولىگى (ەسىرتكىلىك زاتتاردى، پسيحيكالىق بەلسەندى زاتتاردى زاڭسىز ساتۋ) بويىنشا قىلمىستىق ءىس قوزعالدى.