10:28, 08 - مامىر 2018 | GMT +6
ينتەرنەت جەلىسى ارقىلى الاياقتىق جاساعان ازامات سوتتالدى
قىزىلوردا. قازاقپارات - جاڭاقورعان اۋداندىق سوتى قازاقستان رەسپۋبليكاسى قىلمىستىق كودەكسىنىڭ 190- بابىنىڭ 1- بولىگى بويىنشا ايىپتالعان ايەلگە ۇكىم شىعاردى، دەپ حابارلايدى قازاقپارات ءتىلشىسى.
ول ينتەرنەت جەلىسى ارقىلى ءبىرقاتار جاۋاپكەرشىلىگى شەكتەۋلى سەرىكتەستىكتەردەن بىرەۋلەردىڭ اتىنان اقشا العان. وسىلايشا ول ءبىر سەرىكتەستىكتەن 75 مىڭ تەڭگە السا، ەكىنشىسىنەن 50 مىڭ تەڭگەنى قولدى ەتكەن.
«سوتتا ول جاساعان ءىس- ارەكەتىن تولىق مويىندادى. جابىرلەنۋشىدەن كەشىرىم سۇراعانىن، كەلتىرىلگەن زالال مولشەرىن بارىنشا قىسقا مەرزىمدە قايتارىپ بەرەتىنىن جەتكىزگەن. اسىراۋىندا كامەلەتكە تولماعان بالاسىنىڭ بار ەكەنىن كورسەتىپ، وزىنە باس بوستاندىعىنان ايىرمايتىن جازا بەرۋدى سۇرادى. سوت ۇكىمىمەن سوتتالۋشى ول 1 جىلعا باس بوستاندىعى شەكتەۋ جازاسى تاعايىندالدى» دەپ جازىلعان اۋداندىق سوتتىڭ باسپا ءسوز قىزمەتى تاراتقان حابارلامادا.
ءادىلجان ۇمبەت