بولات باقاۋوۆ اكىمدەردىڭ اراسىندا وق اتۋدان ۇزدىك اتاندى

پاۆلودار. قازاقپارات - پاۆلودار وبلىسىنىڭ اكىمى وڭىرلەر مەن استانا جانە الماتى قالالارى اكىمدەرىنىڭ دالا جيىندارىنا قاتىسىپ، ماكاروۆ تاپانشاسىنان وق اتۋدان ءبىرىنشى ورىندى يەلەندى، دەپ حابارلايدى pavlodarnews.kz.

 اكىمدەردىڭ جيىنى جامبىل وبلىسىنىڭ «وتار» اسكەري بازاسىندا ءوتتى. ق ر قورعانىس مينيسترلىگى سايتىنىڭ حابارلاۋىنشا، 40- وقۋ پوليگونىندا ايماقتاردان كەلگەن جانە استانا، الماتى قالالارىنىڭ باسشىلارى اتقىش قارۋى مەن اسكەري ماشينالاردان وق اتقان. ناتيجەسىندە پاۆلودار وبلىسىنىڭ اكىمىنە ماكاروۆ تاپانشاسىنان وق اتۋ بويىنشا ءبىرىنشى ورىن العانى ءۇشىن گراموتا مەن «مەرگەن» ەسكەرتكىشىن سىيعا تارتىلدى.

 «وتار» بازاسىندا ءوتىپ جاتقان شەرۋ بارىسىندا وبلىستار مەن قالالاردىڭ اكىمدەرىنە 2015 -جىلى 25 - جەلتوقساندا ق ر پرەزيدەنتىنىڭ جارلىعىمەن قۇرىلعان اۋماقتىق قورعانىس بريگادالارىنىڭ اسكەري بەلگىلەرى تابىس ەتىلەدى.