ر ف پرەزيدەنتىن ۇلىقتاۋ راسىمى: پۋتين رەسەي حالقىنا انت بەردى

None
None
استانا. قازاقپارات - ۆلاديمير پۋتين ۇلكەن كرەمل سارايىنداعى اندرەيەۆ زالىندا مەملەكەت باسشىسى قىزمەتىنە ءتورتىنشى رەت سايلانا وتىرىپ، رەسەي حالقىنا انت بەردى، دەپ جازادى ت ا س س.

پۋتين ر ف كونستيتۋتسياسىنا وڭ قولىن قويا وتىرىپ، پرەزيدەنتتىك انتتىڭ ءماتىنىن وقىدى: «رەسەي فەدەراتسياسى پرەزيدەنتىنىڭ وكىلدىگىن جۇزەگە اسىرۋ كەزىندە ادام جانە ازامات قۇقىعى مەن بوستاندىعىن قۇرمەتتەۋگە جانە كۇزەتۋگە، رەسەي فەدەراتسياسى كونستيتۋتسياسىن ساقتاۋعا جانە قورعاۋعا، ەگەمەندىك پەن تاۋەلسىزدىكتى، مەملەكەتتىڭ قاۋىپسىزدىگى مەن تۇتاستىعىن قورعاۋعا، حالىققا ادال قىزمەت ەتۋگە انت ەتەمىن».

وسىلايشا، ۆلاديمير پۋتين رەسەي پرەزيدەنتى قىزمەتىنە رەسمي تۇردە كىرىستى. ونى كونستيتۋتسيالىق سوتتىڭ ءتوراعاسى ۆالەريي زوركين جاريالادى.

بۇل پۋتيننىڭ مەملەكەت باسشىسى لاۋازىمىنداعى ءتورتىنشى مەرزىمى. ونىڭ العاشقى ەكى مەرزىمى ءتورت جىلدان جالعاستى. رەسەي كونستيتۋتسياسىنا وزگەرىس ەنگىزىلگەننەن كەيىن، مەملەكەت باسشىسى لاۋازىمى التى جىلعا سوزىلعان بولاتىن. ونىڭ وكىلدىگىنىڭ جاڭا مەرزىمى 2024 -جىلى 7 - مامىردا اياقتالادى.

پۋتيننىڭ انت قابىلداعان كونستيتۋتسيانىڭ داناسى 1996 -جىلى رەسەي پرەزيدەنتى قىزمەتىنە العاش رەت كىرىسكەندە ارنايى جاسالعان جانە ول بارلىق مەملەكەت باسشىلارىنىڭ ۇلىقتاۋ راسىمىندە قولدانىلىپ كەلەدى.

رەسەي پرەزيدەنتىنىڭ انتى ءبارىن قوسقاندا، 33 سوزدەن تۇرادى. مەملەكەت باسشىسى انتىنىڭ ءسوزى ونىڭ مارتەبەسى سياقتى ر ف كونستيتۋتسياسىنىڭ ءتورتىنشى بولىمىندە بەلگىلەنگەن.

فوتو: دميتريي استاحوۆ/ت ا س س

РФ президентін ұлықтау рәсімі: Путин Ресей халқына ант берді

سوڭعى جاڭالىقتار