وتارداعى جاۋىنگەرلىك پاراد: اسكەريلەر شابۋىلعا تويتارىس بەرۋگە دايىن ەكەندىكتەرىن كورسەتتى
قازاقستان اسكەرى مەن ارنايى قىزمەتىنىڭ اسكەري قىزمەتشىلەرى ءوز الەۋەتىن كورسەتتى، دەپ حابارلايدى قازاقپارات ءتىلشىسى.
قارۋلى كۇشتەردىڭ ارنايى ماقساتتاعى ءبولىمى مەن ارنايى وپەراتسيالار كۇشتەرى اۆياتسيا، جاۋىنگەرلىك تەحنيكا، تانكتەر، جاياۋ اسكەردىڭ جاۋىنگەرلىك ماشينالارى، راكەتا اسكەرلەرى مەن ارتيللەريا، سونداي- اق اۋماقتىق قورعانىس قۇرىلىمىنىڭ كومەگىمەن زاڭسىز قارۋلانعان قۇرىلىمداردىڭ شارتتى بازاسىن جويدى.
ءبىرىنشى بولىمدە زاڭسىز قارۋلانعان قۇرىلىمداردىڭ بازالىق اۋدانىنا بارلاۋ جاسالدى، كەيىن بارلاۋ ماقساتتارى بويىنشا اۆياتسيا جانە راكەتا اسكەرلەرى ارتيللەرياسى جويقىن سوققى بەردى.
ەكىنشى ءبولىمنىڭ ناتيجەسىندە - «بروندالعان تاكتيكالىق توپتاردىڭ شابۋىلى» كورسەتىلدى، قۇرامىندا تانكتەر، سوعىس ماشينالارى مەن برونەترانسپورتەرلارى بار تاكتيكالىق جانە موتواتقىش توپتارى شارتتى دەپ بەلگىلەنگەن قارسىلاستارعا شابۋىل جاسادى.
ءۇشىنشى بولىمدە - ايەروۇتقىر دەسانتىنىڭ اۋە- شابۋىل ارەكەتى ۇسىنىلدى. وپەراتسيا كەزىندە قارۋلى كۇشتەردىڭ ارنايى ماقساتتاعى جانە ارنايى وپەراتسيالار كۇشى ءبولىمىنىڭ اۋە دەسانتى شابۋىل، قونۋ تاسىلىمەن جانە فالمەن ءتۇسۋدى كورسەتتى.
ارى قاراي ەلدى مەكەندەگى قارسىلاستار قورشاۋعا الىندى. مۇندا وق جاۋدىرۋ ارقىلى قولداۋ كورسەتەتىن روتانىڭ اسكەري قىزمەتشىلەرى جۇمىلدىرىلدى. سوڭعى بولىمدە زاڭسىز قارۋلانعان سودىرلار بازاسى جويىلدى. اسكەري ارەكەتتەر شارتتى قارسىلاستى جويۋ ءۇشىن پاراشيۋتشىلەردىڭ تۇسۋىمەن اياقتالدى.
پاراد ءبىر ساعاتتان استام ۋاقىتقا سوزىلدى. كەيىن كورەرمەندەر اسكەري تەحنيكا كورمەسىمەن تانىستى.
ەسكە سالايىق، جاۋىنگەرلىك پارادقا 3 مىڭعا جۋىق اسكەري قىزمەتشى، 300-دەن استام اسكەري تەحنيكا جانە 40-قا جۋىق اۆياتسيا تەحنيكاسى قاتىسقان بولاتىن. بەرىلگەن تاپسىرمالار ءساتتى ورىندالدى.
ەلباسى - قازاقستان رەسپۋبليكاسى قارۋلى كۇشتەرىنىڭ جوعارعى باس قولباسشىسى نۇرسۇلتان ءابىش ۇلى نازاربايەۆ پارادقا قاتىسۋشىلارعا العىس ءبىلدىردى.
قازاقستان رەسپۋبليكاسىنىڭ ازاماتتارى قازاقستان اسكەرىنىڭ جاۋىنگەرلىك قۋاتى مەن اسكەري قىزمەتشىلەردىڭ كاسىبي جۇمىسىن رەسپۋبليكالىق تەلەارنالاردان جانە ق ر قورعانىس مينيسترلىگىنىڭ رەسمي سايتىنان، سونداي- اق قازاقپارات سايتىنان تاماشالادى.
