قازاقستان ارمياسى ەل تاۋەلسىزدىگىن سەنىمدى قورعاپ تۇر - نۇرسۇلتان نازاربايەۆ
«قازاقستاندىق اسكەري قىزمەتشىلەر ەڭ قاتىگەز سوعىستا فاشيزمدى جەڭگەن ءبىزدىڭ اكەلەرىمىز بەن اتالارىمىزدىڭ جاۋىنگەرلىك ايبىنى مەن داڭقى ءداستۇرىنىڭ لايىقتى مۇراگەرلەرى. ءبىز ءارقاشان ولاردىڭ ءومىر مەن تۋعان جەردىڭ گۇلدەنۋى ءۇشىن شەكسىز باتىرلىعى مەن وشپەس ەرلىگىن جادىمىزدا ساقتايمىز. بۇگىندە قازاقستان ارمياسى ەل تاۋەلسىزدىگىن سەنىمدى قورعاپ تۇر. ۇ ق ش ۇ اياسىندا ۇجىمدىق قاۋىپسىزدىككە تابىستى جاردەمدەسۋدە. سونىمەن قاتار ب ۇ ۇ اياسىندا ماڭىزدى بىتىمگەرلىك قىزمەتتەردى ابىرويمەن ورىنداپ كەلەدى»، - دەپ توقتالدى ق ر پرەزيدەنتى.
وسى ورايدا ەلباسى ەلىمىز تاۋەلسىزدىك العاننان بەرى قازاقستان دايەكتى ءىرى ناقتى بەيبىتشىل ساياساتتى جۇرگىزىپ كەلە جاتقانىن اتاپ ءوتتى.
«الايدا قازىرگى زامانعى گەوساياسي شىنايىلىق بىزگە ۇنەمى كۇتپەگەن جاعدايلارعا ءارقاشان دايىن بولۋدى ەسكەرتەدى. مەملەكەت ارميامىزدىڭ نىعايۋى الەۋەتىنە بارىنشا قولداۋ جاساۋدا مەن ەرەكشە نازار اۋدارۋدا. جۇيەلى تۇردە سوڭعى بۋىندى قارۋ مەن اسكەري تەحنيكا ۇلگىلەرىن ساتىپ الۋ جۇرگىزىلۋدە. سونداي- اق ءبىرقاتار ماڭىزدى جاۋىنگەرلىك تەحنيكا مەن قۇرالدار ءتۇرىن ءوندىرۋ تابىستى يگەرىلدى. اسكەري باسقارۋ جۇيەسى جاڭعىرتىلۋدا. ءبىزدىڭ ماقسات - قازىرگى زامانعى، موبيلدى، جوعارى كاسىبي بىلىكتى ارميانى قۇرۋ»، - دەپ اتاپ ءوتتى ق ر ق ك جوعارعى باس قولباسشىسى.
بۇدان بۇرىن حابارلانعانداي، بۇگىن وتان قورعاۋشى كۇنى اياسىندا ەلباسى - ق ر ق ك جوعارعى باس قولباسشىسى نۇرسۇلتان نازاربايەۆتىڭ قاتىسۋىمەن جاۋىنگەرلىك پاراد ءوتىپ جاتىر.
اۆتور: رۋسلان عابباسوۆ
