جامبىل وبلىسىنداعى «وتار» اسكەري بازاسىندا اسكەري پاراد ءوتىپ جاتىر

وتار. قازاقپارات - جامبىل وبلىسىنداعى «وتار» اسكەري بازاسىندا جاۋىنگەرلىك پاراد ءوتىپ جاتىر. ونى ەلباسى - ق ر قارۋلى كۇشتەرىنىڭ جوعارعى باس قولباسشىسى نۇرسۇلتان نازاربايەۆ تاماشالاپ وتىر، دەپ حابارلايدى قازاقپارات ءتىلشىسى.

جاۋىنگەرلىك پاراد 5 تاكتيكالىق ەپيزودتان تۇرادى.

 اسكەري بولىمشەلەردىڭ قىزمەتشىلەرى اۋە جانە قۇرلىقتاعى ۇرىس تەحنيكالارىن پايدالانا وتىرىپ، شارتتى دەپ بەلگىلەنگەن جاۋ نىساندارىن جويۋ شەبەرلىگىن كورسەتەدى.

ءبىرىنشى ەپيزودتا كورەرمەندەرگە جاۋ نىساندارىن بارلاۋ بارىسىندا تابۋ ماشىقتارى كورسەتىلسە، ەكىنشى ەپيزودتا اۋە ارتيللەرياسى ولاردى راكەتالىق سوققىلارمەن جويۋعا تىرىستى.

 ەكىنشى ەپيزودتا بروندالعان تاكتيكالىق توپتىڭ شابۋىلى موتوقارۋ توپتارى مەن ت-72 تانكىلەرىنىڭ، ب م پ-2 اسكەري كولىكتەرىنىڭ، ب ت ر-82ا برونەترانسپورتەرلەرىنىڭ، «تەرميناتور» ب م پ ت كولىكتەرىنىڭ قارۋلى جاۋعا قارسى شابۋىلىنا ۇلاستى.

ءۇشىنشى ەپيزودتا ايەروۇتقىر دەسانت اسكەريلەرىنىڭ اۋەدەگى جويقىن شابۋىلىنا ۇلاستى. مۇندا كورەرمەندەر اسكەري دەسانتشىلاردىڭ ءۇش تاسىلمەن جەرگە قونۋىن تاماشالادى.

ءتورتىنشى ەپيزودتا اسكەريلەر جاۋ اسكەرىنە ەلدى مەكەن ىشىندە تويتارىس بەرۋگە تىرىستى.

 بۇل ەپيزودتا شابۋىل روتاسى «ۆاسيلەك» 82 م م اۆتوماتتىق مينومەتتەرىمەن، كاماز كولىكتەرىنە ورناتىلعان زەنيتتىك زۋ-23-2 قوندىرعىلارىمەن، ارنايى جاساق ۇلاندارى Toyota Pick UP كولىكتەرىندە ورناتىلعان پۋلەمەتتەرىمەن جاۋعا قارسى شىقتى.

بەسىنشى ەپيزودتا جاۋدىڭ زاڭسىز قارۋلانعان نىساندارى جويىلاتىن بولادى.

سونىمەن قاتار، بۇل كەزەڭدە س-295 ۇشاعىنان پاراشيۋتيستەردىڭ ءتۇسۋى كورسەتىلەدى.

 مۇندا فرونتتىق، ارميالىق، اسكەري- كولىكتىك اۆياتسيا، س-295، سۋ-30 كوپ نىساندى جويۋ ۇشاقتارى ءوز ماشىقتارىن كورسەتەدى.

اۋدارما: گۇلميرا عوسمانالي