مەيلينا سۋي گونكونگتا كوپشىلىككە قازاقستان مادەنيەتىن تانىتۋدا
دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.
«Israeli Chamber Project» يزرايلدىك ۇجىمىنىڭ ۆارياتسيالى ىشەكتى اسپاپتار كۆارتەتىندە ورىنداۋى ءۇشىن قازاق حالىق مۋزىكاسى تاقىرىبىنداعى كلاسسيكالىق كومپوزيتسيا الەمنىڭ ءتۇرلى ەلدەرىنەن ۇسىنىلعان جاس اۆتورلاردىڭ 130 شىعارماسىنىڭ ىشىنەن تاڭدالىپ الىندى ءارى گونكونگ اكادەمياسىنىڭ ورىنداۋشىلىق ونەر ساحناسىندا تانىستىرىلدى.
مەيلينا قازاقستاندا تۋعان، ءبىراق گونكونگتا ءوسىپ، ءبىلىم العان. ونىڭ شىعارماشىلىعىندا اۆتوردىڭ قازاقستاننىڭ بىرەگەي مۋزىكالىق مۇراسىمەن قابىسۋ مۇراتى اڭعارىلادى. مەيلينا شىعارماسىنىڭ ەنەرگەتيكاسى ارقاسىندا تىڭدارمان كوشپەندىلەر تۇرمىسى مەن مادەنيەتىن، قازاق دالاسىنىڭ كەڭدىگىن ءارى ءداستۇرلى ات جارىستارىن كوز الدىنا اكەلەتىن مۋزىكالىق وبرازدارعا بويلايدى. اۆتوردىڭ دومبىرا مەن شاڭقوبىز دىبىستارىن يميتاتسيالاۋ ءۇشىن كلاسسيكالىق ەۋروپالىق ىشەكتى اسپاپتاردى پايدالانۋى ونەرسۇيەر قاۋىم مەن شارانى ۇيىمداستىرۋشىلاردىڭ ەرەكشە قىزىعۋشىلىعىن تۋدىردى.
قازاقستان ازاماتى مەيلينا تسۋي 1993 -جىلى الماتىدا تۋعان. بالا كەزىندە اتا- اناسىندا گونكونگقا كوشىپ، سول جاقتا مەكتەپ ءبىتىرىپ ءارى جوعارى ءبىلىم العان. ول اناسى راشيدا يانچينانىڭ جولىمەن ءجۇرىپ، ءومىرىن مۋزىكاعا ارناۋعا بەل بۋادى. گونكونگتاعى قىتاي ۋنيۆەرسيتەتىنىڭ مۋزىكالىق فاكۋلتەتىن ۇزدىك اياقتاپ، لوندون كورولدىك كوللەدجى ماگيستراتۋراسىن كومپوزيتسيا كلاسى بويىنشا بىتىرگەن.
جاس كومپوزيتور جاقىن ارادا ا ق ش- تىڭ بەدەلدى ۋنيۆەرسيتەتتەرىنىڭ بىرىنە دوكتورانتۋراعا تۇسپەك. مەيلينانىڭ كوپتەگەن شىعارماشىلىق جوسپارلارى بار. ونىڭ ىشىندە ءبىزدىڭ ەلمەن بايلانىستى، سونداي- اق قازاقستاندىق ءارى گونكونگتىق مۋزىكانتتارمەن بىرىگىپ جۇمىس ىستەۋدى دە كوزدەپ وتىر.
ەستەرىڭىزگە سالا كەتەيىك، 2018 -جىلى 21 - ناۋرىزدا گونكونگتاعى ق ر باس كونسۋلدىعىنىڭ ىقپالىمەن قازاقستان مادەنيەت جانە سپورت مينيسترلىگى جانە گونكونگتىڭ ىشكى ماسەلەلەرى جونىندەگى بيۋرو اراسىندا مادەنيەت سالاسىندا ەكىجاقتى تۇسىنىستىك جانە مادەنيەت سالاسىندا ىنتىماقتاستىق تۋرالى مەموراندۋمعا قول قويىلدى.