استانادا باعاناسىنىڭ ءتۇسى وزگەرەتىن باعدارشام پايدا بولدى
رەسپۋبليكا داڭعىلىنىڭ بويىنشا «ەسىل» ساۋدا ۇيىنە قاراما- قارسى ورناتىلعان باعدارشام پيلوتتىق رەجىمدە جاڭعىرتىلدى. ەندى ونىڭ باعاناسى دا باعدارشامنىڭ جانىپ تۇرعان تۇسىنە وراي جارىق بەرىلەدى.
بۇل - «اقىلدى قالا» ستاندارتىن قالىپتاستىرۋ ءۇشىن قالا اكىمدىگىنىڭ قىزمەتىنىڭ ءبىر بولىگى بولىپ تابىلاتىن، قاۋىپسىز ورتا قالىپتاستىرۋعا باعىتتالعان باستاما. وسىنداي باعدارشام كيەۆتە، دۋبايدا، ماسكەۋدە جانە الەمدەگى ءىرى قالالاردا قولدانىلىپ كەلەدى.
«قازىر ەلوردا باسشىلىعى قالادا جول اپاتىن ازايتۋ، كوشەلەردى قاۋىپسىز ەتۋدى جۇكتەپ وتىر. سونىڭ ىشىندە جاياۋ جۇرگىنشى وتپەلەرى باستى نازاردا.
الداعى ۋاقىتتا جۇرگىزۋشى الىستان كوزگە تۇسەتىن اسىرەسە الا كولەڭكە ۋاقىتتا انىق بايقالاتىن باعدارشامدى باسقا دا شامداردىڭ جارىعىمەن شاتاستىرمايدى. ويتكەنى باعدارشامنىڭ جانىپ تۇرعان ءتۇسى ول ىلىنگەن باعانانىڭ بويىندا تولىق قايتالانادى.
بۇل جۇيە باعدارشامنىڭ جانىپ تۇرعان ءتۇسىن دىبىستاپ تۇراتىن كومەكشى قۇرالمەن جابدىقتالعان، ول كوزى كورمەيتىن جاندارعا كومەككە كەلەدى.
بۇل تەحنولوگيا «اقىلدى قالانىڭ» ءبىر كورىنىسى، ول ەستەتيكالىق ءمانى بار جانە ونىڭ قالاداعى قاۋىپسىزدىكتى ساقتاۋدى قامتاماسىز ەتۋدەگى ۇلەسى دە ايتارلىقتاي»، - دەلىنگەن حابارلامادا.
جاڭا كەشەندى تاجىريبە جۇزىندە سىناپ كورۋ مەرزىمى اياقتالعان سوڭ ونى بۇدان ءارى جەتىلدىرۋ جانە جاڭا تەحنولوگيالار قولدانا وتىرىپ رەتتەلەتىن جۇرگىنشى وتكەلدەرىنە ورناتۋ مۇمكىندىگى قاراستىرىلادى. ازىرگە ەكىنشى وسىنداي باعدارشام رەسپۋبليكا داڭعىلىنىڭ بويىنداعى «تاليسمان» دۇكەنىنىڭ الدىنا ورناتىلماق.
اۋدارما: جانىبەك امانگەلدى