ب ۇ ۇ-دا ءال-فارابيدىڭ ىزگىلىكتى قوعام يدەياسىنا نەگىزدەلگەن جوعارى وقۋ ورىندارىنىڭ ۇلگىسى ۇسىنىلدى

استانا. قازاقپارات - بىرىككەن ۇلتتار ۇيىمىنىڭ شتاب- پاتەرىندە شىعىستىڭ ۇلى فيلوسوفى ءال- فارابيدىڭ ىزگىلىكتى قوعام تۋرالى يدەيالارىنا نەگىزدەلگەن ۋنيۆەرسيتەت 4.0 اتتى جوعارى وقۋ ورىندارىن دامىتۋدىڭ جاڭا ۇلگىسى ۇسىنىلدى، دەپ حابارلايدى قازاقپارات قاز ۇ ۋ- عا سىلتەمە جاساپ.

ءال-فارابي اتىنداعى قاز ۇ ۋ- دىڭ رەكتورى، اكادەميك عالىم مۇتانوۆ نيۋ-يوركتە ب ۇ ۇ شتاب- پاتەرىندە وتكەن جاھاندىق ازاماتتىق ماسەلەلەرگە ارنالعان حالىقارالىق كونفەرەنسيادا وسىنداي جوبانى ۇسىندى.

«رۋحاني جاڭعىرۋ» باعدارلاماسىنىڭ شەڭبەرىندە ب ۇ ۇ الاڭىنداعى بۇنداي جوعارى دەڭگەيدەگى ءىس-شارانىڭ باستاماشىسى جەتەكشى قازاقستاندىق جوعارى وقۋ ورنى ءال-فارابي اتىنداعى قاز ۇ ۋ بولدى. كونفەرەنسيانى ۇيىمداستىرۋشىلار قاتارىنا سونداي-اق ب ۇ ۇ وركەنيەتتەر اليانسى مەن ق ر- دىڭ ب ۇ ۇ جانىنداعى وكىلدىگى كىرەدى.

ءىس-شارانى اشا وتىرىپ، ب ۇ ۇ وركەنيەتتەر اليانسىنىڭ جوعارعى وكىلى ناسسير ابدۋلازيز ءال- ناسەر اسىرەسە جاس ۇرپاقتىڭ اراسىندا عالامدىق ازاماتتىقتى قالىپتاستىرۋعا ارنالعان كونفەرەنسيا نىڭ ماڭىزدىلىعىن اتاپ ءوتىپ، بۇل پروتسەستە ۋنيۆەرسيتەتتەردىڭ اتقارار ءرولى ۇلكەن ەكەندىگىن جانە وسى باعىتتا جاڭا تاسىلدەردى تابۋ قاجەتتىگىن العا تارتتى.

ءال-فارابي اتىنداعى قاز ۇ ۋ- دىڭ رەكتورى، اكادەميك عالىم مۇتانوۆتىڭ شىعىستىڭ ۇلى فيلوسوفى ءال-فارابيدىڭ ىزگىلىكتى قوعام تۋرالى يدەيالارىنا نەگىزدەلگەن ۋنيۆەرسيتەت 4.0 اتتى جوعارى وقۋ ورىندارىن دامىتۋدىڭ جاڭا ۇلگىسىن ۇسىنعان بايانداماسى كونفەرەنسيا  قاتىسۋشىلارىنىڭ ۇلكەن قىزىعۋشىلىعى مەن جاندى پىكىرلەرىن تۋدىردى.

 

مودەل ءتورت قۇرامداس بولىكتى بىرىكتىرەدى: ءبىلىم بەرۋ، زەرتتەۋ، يننوۆاتسيالىق- كاسىپكەرلىك جانە رۋحاني- ادامگەرشىلىك. بۇل مودەلدى جۇزەگە اسىرۋدا «بولاشاققا باعدار: رۋحاني جاڭعىرۋ» اتتى مەملەكەتتىك باعدارلاما ناقتى نۇسقاۋ بولىپ تابىلادى.

جاڭا بۋىن ۋنيۆەرسيتەتىنىڭ ميستسياسى جاستاردى رۋحاني جانە ادامگەرشىلىك قاسيەتتەرى جوعارى جانە بەلسەندى ازاماتتىق ۇستانىمى بار الەمنىڭ ىزگىلىكتى ازاماتتارى رەتىندە قالىپتاستىرۋعا باعىتتالعان. جاڭا ترەند - ۋنيۆەرسيتەت 4.0 جاھاندانۋ جانە جاڭا تەحنولوگيالاردىڭ قارقىندى دامۋى جاعدايىندا ايرىقشا ماڭىزدى. ب ۇ ۇ وركەنيەتتەر اليانسىنىڭ قاراماعىندا الەمنىڭ جوعارى وقۋ ورىندارىن گۋمانيتارلاۋ ءۇشىن مودەلدىك جوسپار ازىرلەۋ جونىندەگى قاز ۇ ۋ- دىڭ ۇسىنىسى كونفەرەنسيا  قاتىسۋشىلارى تاراپىنان ماقۇلدانىپ، قولداۋ تاپتى.

«ءبىز مودەلدىك جوسپار تۋرالى ۇسىنىستى ۋاقتىلى دەپ سانايمىز. الەمنىڭ ۋنيۆەرسيتەتتەرى جاستاردى گۋمانيستىك قۇندىلىقتار رۋحىندا تاربيەلەۋ ءۇشىن ناقتى قادامدار جاساۋعا بىرىگۋى كەرەك. بۇل ب ۇ ۇ- نىڭ «جاھاندىق ازاماتتىق» باعدارلاماسىنىڭ ماقساتتارىنا سايكەس كەلەدى. بۇل تۇرعىدا ب ۇ ۇ- نىڭ «اكادەميالىق ىقپال» باعدارلاماسىنىڭ عالامدىق حابى - قاز ۇ ۋ- دىڭ تاجىريبەسى مەن باستامالارى اسىرەسە وزەكتى ءارى سۇرانىسقا يە. ال ءال-فارابيدىڭ مۇراسى كۇنى بۇگىنگە دەيىن اقىل مەن جۇرەكتى بىرىكتىرىپ بايىتاتىن تۇبەگەيلى وڭدەۋ كۇشىنە يە ءبىلىمنىڭ ۇلگىسى بولىپ تابىلادى» - دەپ اتاپ ءوتتى اليانستىڭ جوعارعى وكىلى ناسسيرابدۋلازيز ءال- ناسەر.

 

ايتا كەتەرلىك جايت، قاز ۇ ۋ ب ۇ ۇ وركەنيەتتەر اليانسىمەن بىرلەسىپ «ىزگىلىكتى قوعامنىڭ ازاماتتارىن قالىپتاستىرۋ. قازىرگى زامانعى ۋنيۆەرسيتەتتەردىڭ ميستسياسى» اتتى حالىقارالىق جوبانى جۇزەگە اسىرۋدا.

ۋنيۆەرسيتەت 4.0 ۇلگىسى اياسىندا قاز ۇ ۋ- دا يننوۆاتسيالىق- تەحنولوگيالىق جانە رۋحاني- ادامگەرشىلىك تۇعىرناما ۇندەستىگىنە نەگىزدەلگەن « Al-Farabi university smar tcity» اتتى بىرەگەي جوبا ءساتتى جۇزەگە اسۋدا. سونداي-اق ب ۇ ۇ باس اسسامبلەياسىنىڭ 66-سەسسياسىندا قازاقستان پرەزيدەنتى ۇسىنعان « جاسىل كوپىر» باستاماسىن ىسكە اسىرۋعا باعىتتالعان «ريو +20» ب ۇ ۇ كونفەرەنسياسىندا العا تارتىلعان «جاسىل كوپىر ۇرپاقتان - ۇرپاققا» جوباسى جۇزەگە اسىرىلۋدا.

حالىقارالىق كونفەرەنسياعا ب ۇ ۇ- دىڭ جانىنداعى قازاقستاننىڭ تۇراقتى وكىلى قايرات وماروۆ، ق ر مادەنيەت جانە سپورت مينيسترلىگى، ءار ءتۇرلى ەلدەردىڭ ديپلوماتيالىق ميستسيالارى، ۇكىمەتتىك ەمەس ۇيىمداردىڭ وكىلدەرى جانە ا ق ش پەن الەمنىڭ الدىڭعى قاتارلى ۋنيۆەرسيتەتتەرىنىڭ عىلىمي ەليتاسى قاتىستى.