پەتروپاۆل تۇرعىنى باسىن قاتەرگە تىگىپ قىلمىسكەرلەر مىنگەن كولىكتى ۇستاپ بەرگەن

پەتروپاۆل. قازاقپارات - پوليتسەيلەرگە قاسكۇنەمدەردى ۇستاۋعا كومەكتەسكەن پەتروپاۆل تۇرعىنى العىس حات پەن قول ساعاتىمەن ماراپاتتالدى، دەپ حابارلايدى قازاقپارات ءتىلشىسى.

سولتۇستىك قازاقسان وبلىستىق ءى ءى د باسپا ءسوز قىزمەتىنىڭ اقپاراتى بويىنشا، دەپارتامەنت باستىعى بەرىك ءبىلالوۆ قىلمىسكەرلەردى ۇستاۋ كەزىندە باتىلدىق تانىتقانى ءۇشىن رومان كيريكەنى ماراپاتتادى. بىلتىر جازدا پەتروپاۆل تۇرعىنى وبلىستىق بالالار اۋرۋحاناسىنىڭ الدىنداعى اتىستىڭ كۋاگەرى بولعان.

«قىلمىسكەرلەردىڭ كولىككە وتىرعاندارىن بايقاعان ول ءوزىنىڭ اۆتوموبيلىمەن ولاردىڭ ىزدەرىمەن ءجۇرىپ وتىرعان. «102» نومىرىنە حابارلاسىپ، وقيعانىڭ ءمان-جايىن باياندايدى. كەيىن پوليتسيا قىزمەتكەرلەرىنە قاسكۇنەمدەر ۇستالعانعا دەيىن، كولىكتىڭ قاي باعىتتا ءجۇرىپ بارا جاتقانىن ايتىپ وتىرعان»، - دەدى باسپا ءسوز قىزمەتىندە.

«ۇنەمى كومەكتەسۋگە دايىن تۇراتىن باتىل ادامدار كوبەيسە يگى ەدى. ول باسىن قاتەرگە تىگىپ، قۇقىق قورعاۋ ورگاندارىنا كومەكتەستى»، - دەپ اتاپ ءوتتى وبلىستىق ءى ءى د باستىعى بەرىك ءبىلالوۆ.

ر. كيريكە ءوزىنىڭ بۇل ارەكەتىن ەرلىك دەپ ەسەپتەمەيدى. ونىڭ ورنىندا ءاربىر ادامنىڭ وسىلاي جاسايتىنىنا سەنىمدى.

ەسكە سالايىق، 2017 -جىلى 28 -شىلدەدە تاڭعى ساعات 4 تە پەتروپاۆلداعى تۇنگى كلۋبتىڭ ماڭىندا جاستار توبەلەسكەن. كەلەسى كۇنى ولار كيكىلجىڭدى وبلىستىق بالالار اۋرۋحاناسىنىڭ الدىندا جالعاستىرعان. سونىڭ سالدارىنان اتىسقا قاتىسۋشىلاردىڭ ءبىرىنىڭ اياعىنا بىتىرا وق ءتيىپ، اياعىنان ايىرىلدى. بۇزاقىلار قايعىلى جاي بولعان جەردەن قاشىپ كەتكەن. اتىس جەكە ۇيدە ورناتىلعان باقىلاۋ كامەراسىنا ءتۇسىپ قالادى. پوليتسيا قىزمەتكەرلەرى قىلمىسكەرلەردى ۇستاپ، پنيەۆماتيكالىق تاپانشا مەن ەكى شولاق مىلتىقتى تاركىلەدى. كولىكتە ءۇش ادام، سونىڭ ءبىرى كامەلەتكە تولماعان جاس ءوسپىرىم بولعان. ەكەۋى كەيىنىرەك ۇستالدى. ءىس جابىق رەجىمدە قارالدى.

ۇكىم قىلمىستىق ىستەر بويىنشا مامانداندىرىلعان اۋدانارالىق سوتىندا ءساۋىر ايىنىڭ سوڭىندا شىعارىلدى.