وزبەكستان پرەزيدەنتى فەيسبۋكتەگى پاراقشاسىندا اسقار ءماميننىڭ سۇحباتىن جاريالادى
«شاۆكات ميرومون ۇلىمەن كەزدەسۋ بارىسىندا ەكىجاقتى ىنتىماقتاستىقتىڭ وزەكتى ماسەلەلەرىن تالقىلادىق. وزىڭىزدە بىلەتىندەي، اعىمداعى جىلى وزبەكستاننىڭ قازاقستانداعى مادەني كۇندەرى ءوتىپ جاتىر. ونىڭ اياسىندا 200 گە جۋىق ءىس- شارا جوسپارلانىپ، جارتىسى وتكىزىلدى. بارلىق شارالار جوسپارلى رەجىمدە ءوتىپ جاتىر جانە قازاقستاندا ۇلكەن قولداۋعا يە. بۇعان قوسا ءبىز ەكونوميكالىق ىنتىماقتاستىق ماسەلەلەرىن تالقىلادىق. اتاپ وتەرلىگى، ءبىرىنشى توقساندا ءوزارا تاۋار اينالىمىنىڭ كولەمى 50 پايىزعا ارتىپ وتىر. بۇل وتە جوعارى كورسەتكىش. بىردە- ءبىر ەلمەن ءوزارا ساۋدادا مۇنداي جوعارى كورسەتكىشىمىز جوق جانە مەملەكەت باسشىلارىمىز نۇرسۇلتان نازاربايەۆ پەن شاۆكات ميرزيەيەۆ 2018 -جىلى تاۋار اينالىمىن 3 ميلليارد، ودان كەيىن 2020 -جىلى 5 ميلليارد ا ق ش دوللارىنا جەتكىزۋ تاپسىرمالارىن ورىنداپ جاتىرمىز. وعان بارلىق مۇمكىنشىلىك تە، الەۋەت تە بار. ول ءۇشىن مۇمكىنشىلىكتى رەزەرۆتەردىڭ بارلىعىن جۇمىلدىرۋ قاجەت جانە بۇل مىندەتتى شەشۋ ءۇشىن ۇكىمەتارالىق كوميسسيا جۇمىس ىستەپ جاتىر»، - دەدى اسقار مامين اتالعان تەلەارنا تىلشىسىنە بەرگەن سۇحباتى بارىسىندا.
سونىمەن قاتار ول اعىمداعى جىلدىڭ ناۋرىز ايىندااستانادا ورتالىق ازيا ەلدەرى باسشىلارىنىڭ كونسۋلتاتيۆتىك كەزدەسۋىنە قاتىستى پىكىر ءبىلدىردى.
«ءبىرقاتار ماڭىزدى شەشىمدەر قابىلداندى. سونىڭ ءبىرى ورتالىق ازيا ەلدەرىنىڭ ءبىرىنشى ءوڭىرارالىق ەكونوميكالىق فورۋمىن تاشكەنت قالاسىندا وتكىزۋ ماسەلەسىن بۇگىن تالقىلادىق. بۇل باستاما ورتالىق ازيا ەلدەرى باسشىلارىنىڭ كونسۋلتاتيۆتىك كەزدەسۋىنە قاتىسۋشىلاردىڭ بارلىعىنىڭ قولداۋىنا يە بولدى. بۇگىن اتالعان فورۋمدى تاشكەنت قالاسىندا وتكىزۋ ماسەلەلەرىن تالقىلادىق»، - دەدى ق ر پرەمەر-ءمينيسترىنىڭ ءبىرىنشى ورىنباسارى.