اليك شپەكبايەۆ قاراماعىنداعى قىزمەتكەرلەرىنىڭ جالاقىسىن ايتىپ بەردى

None
None
استانا. قازاقپارات - ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ باسشىسى اليك شپەكبايەۆ مەملەكەتتىك قىزمەتشىلەرگە جالاقى تولەۋدىڭ جاڭا جۇيەسىن ىلكى ەنگىزۋدىڭ الدىن الا قورىتىندىسىن شىعاردى، دەپ حابارلايدى قازاقپارات ءتىلشىسى.

«ەگەر جالاقى تولەۋدىڭ جاڭا جۇيەسىنە قاتىستى ايتار بولساق، وندا ءبىزدىڭ ىلكى ورگاندارداعى جالاقى كولەمى ەكى ەسەگە ۇلعايدى. استانا مەن ماڭعىستاۋ وبلىستارىنىڭ اكىمدىكتەرىندە 2,2-دەن 2,5 ەسەگە دەيىن ارتتى. بۇل ايتارلىقتاي سوما. ورتاشا العاندا جەكە سەكتورداعى جالاقىمەن ساي كەلەدى دەپ ايتۋعا بولادى. جەكە سەكتورداعى ەڭ تومەنگى جالاقى 165 مىڭ تەڭگە. بۇگىندە ءبىزدىڭ ماماندار، تومەنگى بۋىن ساراپشىلارى ءدال سونداي جالاقى الادى. بۇعان قوسا، ءبىز ورتالىق پەن وڭىرلەر اراسىنداعى جالاقى تەڭسىزدىگىن جويدىق. ايىرماشىلىق شامامەن 70 پايىز بولاتىن. ەگەر ول ورتالىقتا جۇمىس ىستەيتىن بولسا، ارينە، ونىڭ جالاقىسى ءسال جوعارى بولادى. ءبىراق، ايىرماشىلىق 10-20 پايىز عانا»، - دەدى اگەنتتىك باسشىسى «جاستار» عىلىمي-زەرتتەۋ ورتالىعى ساراپشىلىق كلۋبىنىڭ وتىرىسىندا.

ونىڭ ايتۋىنشا، اگەنتتىك عىلىمي ادىستەمەلەر نەگىزىندە ءوز اپپاراتىنىڭ قۇرىلىمىن 30 پايىزعا وڭتايلاندىرىلعان. ناتيجەسىندە جەكەلەگەن قۇرىلىمدار، لاۋازىمدار جويىلعان. جەكەلەگەن باسقارمالار بىرىكتىرىلىپ، ورىنباسار لاۋازىمدارى الىنىپ تاستالدى.

«سونىڭ ەسەبىنەن ورتالىق اپپاراتتىڭ وزىندەگى جالاقىنى 50 دەن 60 پايىزعا دەيىن وسىردىك. ەگەر جەكە سەكتورداعى ورتاشا جالاقى 165 مىڭ تەڭگە دەسەك، وندا قازىر ءبىزدىڭ اگەنتتىكتە 165 مىڭنان باستاپ 220 مىڭ تەڭگە دەيىن جالاقى الادى. ول باستىق بولسا وندا جالاقىسى شامامەن 300 مىڭعا جەتەدى. ال 300 مىڭ دەگەنىمىز ورتالىق مەملەكەتتىك ورگانداردىڭ، ياعني مينيسترلىك ديرەكتورىنىڭ جالاقىسى. دەمەك، بۇگىندە ءبىزدىڭ ەڭ تومەنگى بۋىنداعى ساراپشىلار ورتالىق مەملەكەتتىك ورگاننىڭ ديرەكتورىمەن بىردەي جالاقى الىپ وتىر. بۇعان قوسا، جىلدىڭ سوڭىندا بونۋس بار»، - دەدى ول.

اگەنتتىك باسشىسىنىڭ سوزىنە قاراعاندا، بونۋس جۇيەسىندە كەمىندە 4 لاۋزىمدىق جالاقى تولەۋ قاراستىرىلعان.

«ەگەر ساراپشى ءتيىمدى جۇمىس ىستەسە، وندا سوعان سايكەس جىلدىڭ سوڭىندا 10 ايلىققا دەيىن بونۋس الادى. بۇل شامامەن 3 ميلليون تەڭگە. بۇگىن 40 شارشى مەتر بولاتىن ەكى بولمەلى پاتەر نارىقتا 12 ميلليون تۇرادى. ول بىردەن نەسيەنىڭ تورتتەن ءبىرىن بىردەن جابا الادى. ال 3-4 -جىلدىڭ ىشىندە بارلىق قارىزىن جاۋىپ تاستايدى. بارلىق مەملەكەتتىك ورگاندار بىرتىندەپ فاكتورلىق- باللدىق جۇيەگە كوشەر بولسا، بۇعان قول جەتكىزە الامىز»، - دەدى اليك شپەكبايەۆ.

سوڭعى جاڭالىقتار