جامبىل وبلىسىندا جاۋىنگەرلىك پارادقا سوڭعى دايىندىق پىسىقتالدى
بۇل - جاۋىنگەرلىك پاراد الدىنداعى سوڭعى دايىندىق. كەمشىلىكتەر بولسا، وسى جەردە ەلەپ- ەسكەرىپ، كەيىن شەرۋ الدىندا جويۋ كەرەك. ولقىلىقتاردىڭ ورنىن تولتىرۋعا بۇدان بىلاي مۇمكىندىك بولمايدى. سوندىقتان سايىپقىران ساربازدار، ايتۋلى وفيتسەرلەر مەن داڭقتى گەنەرالدار بۇگىنگى شاراعا اسا جاۋاپكەرشىلىكپەن قاراپ وتىر.
وتان قورعاۋشى كۇنىنە ارنالعان پارادتىڭ سسەناريى تۋرالى قىسقا دا نۇسقا ايتا كەتسەك. الدىمەن اسكەريلەر سىمداي تارتىلىپ، ساپ تۇزەيدى. كەيىن جاۋىنگەرلەر قازاق اسكەرىنىڭ الەۋەتىن كورسەتەدى. مىنە، وسى جەردە ايبىندى اسكەرىمىزدىڭ بىرلىگى مەن كۇش- قۋاتى سىنالادى. ۇشاقتار مەن تىكۇشاقتار، تانكىلەر مەن زەڭبىرەكتەر، دەسانتشىلار - بۇلاردىڭ ءبارى زاڭسىز قارۋلانعان قۇرىلىمداردىڭ كوزىن جويۋى ءتيىس. شارتتى ۇرىسقا باس- اياعى 3 مىڭنان استام ساربازدار مەن ساردارلار، 300-دەن اسا اسكەري تەحنيكا جانە 40 شاقتى اۋە كولىگى جۇمىلدىرىلادى.
بۇل پارادتىڭ تاعى ءبىر ەرەكشەلىگى سول، وسى جولى العاش رەت ايماقتىق قورعانىس بولىمشەلەرىنە جاۋىنگەرلىك تۋ تاپسىرىلادى. بايراقتى قابىلدايتىندار - وبلىس اكىمدەرى، استانا مەن الماتى قالالارىنىڭ باسشىلارى. وسىنشالىق كەڭ كولەمدە ەل تاريحىندا ەكىنشى رەت وتەتىن سالتاناتتى شەرۋ مامىردىڭ جەتىسى كۇنى رەسپۋبليكالىق تەلەارنالاردان تىكەلەي ەفيردە كورسەتىلەدى دەپ جوسپارلانىپ وتىر.
www.24.kz