سازگەن سازى ءانسامبلى گولوۆكيننىڭ سۇيىكتى اۋەنىن ورىندادى

 استانا. قازاقپارات - «سازگەن سازى» فولكلور- ەتنوگرافيالىق ءانسامبلى جانە «قازاقستاننان ماحابباتپەن» (شۆەيتساريا) جوباسىنىڭ قاتىسۋشىلارى گەننادي گولوۆكينگە ۆانەس ميرتيروسيانمەن جەكپە- جەگى الدىندا قولداۋ ءبىلدىردى.

بۇل تۋرالى GGG ۆكونتاكتە جەلىسىندەگى رەسمي توبى پوست جاريالادى.

مۋزىكانتتار گولوۆكين ادەتتە رينگكە شىعار الدىندا شىرقالاتىن The White Stripes توبىنىڭ «Seven Nation Army» ءانىن ءوز نۇسقالارىندا ورىندادى.

ايتا كەتسەك، گەننادي گولوۆكين مەن ۆانەس مارتيروسيان ەرتەڭ استانا ۋاقىتىمەن ساعات 9 دا ا ق ش- تىڭ كاليفورنيا شتاتىنداعى كارسون قالاسىندا بوكستاسادى.