عالىمدار باعانالىق جاسۋشادان سينتەتيكالىق ەمبريون جاساپ شىعاردى

 استانا. قازاقپارات - گوللانديالىق عالىمدار زەرتحانادا تىشقاننىڭ اتالىق جانە انالىق ۇرىق جاسۋشالارىن پايدالانباي، ونىڭ وزگە جاسۋشالارىنان «سينتەتيكالىق» ەمبريون جاساپ شىعاردى، دەپ حابارلايدىBBC.

باعانالىق جاسۋشانى زەرتتەۋ سالاسىندا اشىلعان جاڭالىق ادامداردى نەمەسە وزگە دە ورگانيزمدەردى كلونداۋ ماقساتىن كوزدەمەيدى. ول ايەلدىڭ ءوزىنىڭ جۇكتى ەكەنىن بىلمەي جاتىپ نە سەبەپتى تۇسىك تاستاپ قوياتىنىن انىقتاۋ ماقساتىندا جاسالعان زەرتتەۋدىڭ ناتيجەسى.

زەرتحانادا ورگانيزمنەن تىس جاسالعان ەمبريوندار ءتىرى تىشقاننىڭ جاتىر قابىرعاسىنا جاپسىرىلدى جانە وندا ەكى- ءۇش كۇن بويى ءوستى.

عالىمداردىڭ ايتۋىنشا، ەگەر وسى پروتسەس زەرتتەلەتىن بولسا وندا ول بولاشاقتا بەدەۋلىكتى ەمدەۋدە كومەكتەسۋى مۇمكىن.

ەمبريونداردى جاساۋ ءۇشىن باعانالىق جاسۋشانى پايدالانۋ عىلىمي زەرتتەۋلەر ءۇشىن ۇلكەن ماتەريال بەرەدى.

عالىمداردىڭ ايتۋىنشا، ادامنىڭ باعانالىق جاسۋشاسىنان سينتەتيكالىق ەمبريون جاقىن ارادا جاسالا قويمايدى. سەبەبى ول ءۇشىن ارنايى رۇقسات كەرەك.

 

Baq.kz