تۇرىكمەنستاندا حالىققا تەك اق ءتۇستى كولىك مىنۋگە رۇقسات ەتىلۋى مۇمكىن

استانا. قازاقپارات -  تۇرىكمەنستاندا وسىعان دەيىن قارا ءتۇستى كولىك مىنۋگە تىيىم سالىنعان ەدى. ەندى بۇعان وزگە تۇستەگى كولىكتەر دە قوسىلاتىن بولدى.

جەرگىلىكتى بيلىك جۋىق ارادا حالىقتىڭ تەك عانا اق ءتۇستى تەمىر تۇلپار تىزگىندەۋىنە رۇقسات بەرۋى مۇمكىن. ال باسقا تۇستەرگە تىيىم سالىنادى. وسىعان بايلانىستى جۇرت كولىكتەرىن اق تۇسكە بوياپ، الەككە ءتۇسىپ جاتىر. بۇل جاعدايدى پايدالانعان كولىك بوياۋشىلار وزدەرىنىڭ قىزمەت باعاسىن شارىقتاتىپ جىبەردى. اتاپ ايتساق، كولىك بوياۋ شامامەن تۇرىكمەننىڭ ءتول اقشاسىمەن 18 مىڭ مانات تۇرادى. «اق ءتۇستى دۇربەلەڭ» كەسىرىنەن ەلدە اق بوياۋدىڭ تاپشىلىعى تۋىنداپ، باعاسى قىمباتتادى.

www.24.kz