اكۋلا جاراقاتتاعان ادام سول جىرتقىش بالىقتىڭ ارقاسىندا امان قالدى

استانا. قازاقپارات - وتباسىمەن كاليفورنياعا دەمالۋعا اتتانعان يۋدجين فينني تاڭەرتەڭ شومىلۋ ءۇشىن بالالارىمەن مۇحيتقا بارادى. ءجۇزىپ جۇرگەن يۋدجينگە اياقاستى اكۋلا تاپ بەرەدى.

دەنەسىن بىرنەشە جەردەن تىستەگەنمەن، ەر ادام ءوز كۇشىمەن جىرتقىش بالىقتان سىتىلىپ ۇلگەرەدى. مەدبيكەلەر اۋرۋحاناعا جەتكىزىلگەن يۋدجيننىڭ تەرىسىن تىگىپ، كەيىن وعان تولىق مەديتسينالىق قارالىمنان وتۋىنە ۇسىنىس جاسايدى. دارىگەرلەر كەزدەيسوق ەر ادامنىڭ بۇرىننان بۇيرەگىندە ومىرىنە قاۋىپتى ىسىك بارىن انىقتايدى. ال يۋدجي فينني بۇل تۋرالى بىلمەگەن جانە ەگەر دەر كەزىندە اۋرۋ انىقتالماعاندا، ول ۇزاق ءومىر سۇرمەيتىن ەدى. اۋرۋ انىقتالعان بەتتە دارىگەرلەر وعان وپەراتسيا جاساپ، ىسىكتى الىپ تاستايدى. ال يۋدجين ءومىرىن ساقتاپ قالعان دارىگەرلەر مەن اكۋلاعا ريزا.

اقپارات كوزى: news.day.az