جاقىپ اسانوۆ سوتقا دەگەن سەنىمدى كوتەرۋدىڭ جولدارىن اتادى
دەپ حابارلايدى قازاقپارات ءتىلشىسى.
ج. اسانوۆتىڭ ۇندەۋىن Facebook-تە جوعارعى سوتتىڭ باسپا ءسوز حاتشىسى بولات كاليانبەكوۆ جاريا ەتتى.
قۇجاتتا ول ءاربىر ارىپتەسى سوت ادىلدىگى ساپاسى جونىندە، سوت قىزمەتتەرى سەرۆيسىن ارتتىرۋ تۋرالى كرەاتيۆتى ويلاتىن، سوت يميدجىنە جانى اشيتىن بولۋى تيىستىگىن اتاپ وتكەن.
«وسى ورايدا ءارقايسىلارىڭىز سوت عيماراتىنا كىرگەندە، سوت پروتسەسىن ۇيىمداستىرۋدا، سوت اكتىسىن راسىمدەۋدە، ادامدارمەن سويلەسكەندە جان- جاقتارىڭىزعا مۇقيات نازار اۋدارىڭىزدار. بۇل تۇرعىدا وزدەرىڭىزدىڭ ءىس- قيمىلدارىڭىزعا، دالىزگە، وتىرىس زالدارىنا، قۇجاتتارعا، سونداي- اق جيھازدىڭ ورنالاسۋى ورنىنىڭ ءوزىن قاراپ شىعىڭىزدار. وسىنىڭ بارلىعىن قاراپايىم ادامداردىڭ كوزىمەن ەلەستەتىپ كورىڭىزدەر. ولارعا سوت عيماراتى ىڭعايلى ما؟ ادامداردىڭ تەرىس پىكىرىن نەندەي سەبەپتەر تۋدىرادى؟ تۇرعىندارعا قولايلى بولۋى ءۇشىن نە كەدەرگى؟ ءسىزدىڭ قۇجاتىڭىز تۇسىنىكتى تولتىرىلدى ما؟ ادامدارعا دەگەن قارىم- قاتىناستار ادەپتىلىك ۇدەسىنەن شىعا ما؟ وزدەرىڭىزدىڭ اينالاڭىزدا سىيلاستىق پەن سەنىمىڭ اتموسفەراسىن جاساڭىزدار»، - دەدى جاقىپ اسانوۆ.
بۇل رەتتە ول سوت اكتىلەرى مەن شاعىمدارعا بەرىلگەن جاۋاپتاردا، قارىم- قاتىناس تىلىندە سىيلاستىقتىڭ بەلگىلەرى بولۋى كەرەكتىگىن اتاپ ءوتتى.
سونىمەن قاتار ج. اسانوۆ جاقىن ارادا جوعارى سوت كەڭەسى باسشىلىعىنىڭ ۇستانىمى ارقاسىندا سۋديالىق كادرلاردى ىرىكتەۋ مەن العا جىلجىتۋدىڭ جاڭا ءارى پروگرەسسيۆتى تەحنولوگيالارى پايدا بولاتىنىن اتاپ ءوتتى.
«ادامداردىڭ سوتقا سەنىمىن كوتەرۋ ءۇشىن، جاڭا ءارى قازىرگى قىزمەتتەگى سۋديالار كاسىبي جانە ىسكەرلى تۇلعالىق قاسيەتتەرگە يە بولادى دەگەن ءۇمىت بار»، - دەپ اتاپ وتكەن جوعارعى سوت ءتوراعاسى.
اۆتور: رۋسلان عابباسوۆ