ەلىمىزدىڭ شەكارا تەڭىز فلوتى امفيبيالىق كاتەرلەرمەن تولىعادى

استانا. قازاقپارات - قازاقستاندىق شەكارا تەڭىز فلوتىنىڭ قۇرامى تاياۋدا امفيبيالىق تۇردەگى اۋا جاستىقتى ەكى كاتەرمەن تولىعادى.

 كوپ ماقساتتى جاۋىنگەرلىك سۋ كولىكتەرى كۇندىز جانە تۇندە 25 ميلگە دەيىن قاشىقتىققا اشىق تەڭىزگە شىعا الادى. باتپاق، قۇمدى نە تاستى جاعالاۋدا مۇز ۇستىمەن ەركىن قوزعالا الاتىن امفيبيالىق كاتەرلەر ەلىمىزدىڭ شەكارا فلوتىندا بۇرىن- سوڭدى بولماعان. جوبانىڭ جالپى قۇنى - 3 ميلليارد تەڭگە. ورالداعى كەمە قۇراستىرۋ زاۋىتىنان شىعاتىن اۋا جاستىقتى كەمەلەر وسى جىلدىڭ جاز ايلارى اقتاۋعا جەتكىزىلمەك.

الىبەك كايۋپوۆ، ق ر ۇ ق ك ش ق جاعالاۋ كۇزەتى ايماقتىق باسقارماسىنىڭ باستىعى:

- اۋا جاستىقتى امفيبيالىق كاتەرلەر دەسانت جانە اسكەري تەحنيكالاردى ەشقانداي كولىك وتە المايتىن جەرلەرمەن ءجۇرىپ ءوتىپ، دىتتەگەن جەرىنە جەتكىزەدى. وزىق ۇلگىدەگى ناۆيگاتسيالىق قۇرالدارمەن جاراقتانۋىنىڭ ارقاسىندا ۇتقىر قيمىلداپ، تەررورلىق توپتارعا كۇتپەگەن جەردەن شابۋىل جاساۋعا ىڭعايلى. وتاندىق ۇلگىدەگى كوپ ماقساتتى اسكەري كاتەرلەردىڭ كاسپيي جاعالاۋىندا ناتيجەلى ارەكەت ەتەرىنە سەنىم مول.

www.24.kz