تۋريستەرگە تانىمال شيپاجايلاردا قىزىلشا مەن بەزگەك اۋرۋلارىنىڭ تاراپ جاتقانى ەسكەرتىلدى
اتالمىش ەلدەرگە ساياحاتتايتىن تۋريستەرگە قىزىلشاعا قارسى ەكپە ەكتىرۋ ۇسىنىلادى.
سونىمەن قاتار، نيگەريالىق اۋرۋلاردى باقىلاۋ ورتالىعى ەلدە سارى بەزگەكتىڭ تارالۋىنىڭ جالعاسىپ جاتقاندىعىن حابارلادى. سوندىقتان نيگەرياعا باراتىن تۋريستەر سارى بەزگەككە قارسى ەكپە ەكتىرۋى قاجەت. سونداي-اق نيگەريادا لاسسا بەزگەگىنىڭ تارالۋى تۋرالى اقپارات تا بار. اتالمىش اۋرۋدىڭ بەلگىلەرى بار تۋريستەر تەز ارادا مەديتسينالىق كومەككە جۇگىنۋى قاجەت.
برازيليالىق دەنساۋلىق ساقتاۋ سالاسىنىڭ قىزمەتكەرلەرى ۆەنسەسلاۋ- گيماراينس قالاسىندا بەزگەك اۋرۋىنىڭ تارالىپ جاتقاندىعى تۋراسىندا مالىمدەدى. وندا دەرتتتى ماسالار جۇقتىرۋى مۇمكىن. سوندىقتان تۋريستەرگە بەزگەككە قارسى ءدارى-دارمەكتەر ءىشۋ كەرەكتىگى ۇسىنىلادى. بەزگەك ماسانىڭ شاعۋى ارقىلى جۇعادى. سوندىقتان مىناداي، اتاپ ايتقاندا، جاندىكتەردەن قورعايتىن قۇرالداردى پايدالانۋ، جەلدەتكىشى بار بولمەدە ۇيىقتاۋ، دالاعا شىققاندا قورعانىشى بار كيىم كيۋ سىندى كەڭەستەردى ۇمىتپاعان ءجون.
سونداي-اق، برازيليادا اتاپ ايتقاندا، ريو-دە-جانەيرو، ميناس-جەرايس جانە سان-پاۋلۋ شتاتتارى مەن سان- پاۋلۋ قالاسىندا سارى بەزگەك اۋرۋى ءىرى كولەمدە تاراپ جاتىر. سوندىقتان اتالمىش ەلگە باراتىن تۋريستەر 10 كۇن بۇرىن سارى بەزگەككە قارسى ەكپە ەكتىرۋى قاجەت. ەكپە ەكتىرمەگەن تۋريستەردىڭ جوعارىدا اتالعان ايماقتارعا بارماعانى ءجون.
فوتو: another- road.ru