قازاقستاندىق بۇرىمدى فۋتبولشى تۇركيا بىرىنشىلىگىنە اۋىستى

استانا. قازاقپارات - فۋتبولدان جاستار قۇراماسىنىڭ جارتىلاي قورعاۋشىسى 18 جاستاعى سابينا رگايەۆا تۇركيانىڭ جوعارعى ليگاسىندا ونەر كورسەتىپ جۇرگەن «1207 انتاليا سپور» كلۋبىمەن كەلىسىمشارتقا وتىردى.

 بۇل تۋرالى فۋتبولشىنىڭ مۇددەسىن قورعاپ جۇرگەن كومپانيا وكىلى ايتتى.

 رگايەۆا بۇرىندارى دا «1207 انتاليا سپور» ساپىندا بولعان. جاڭا كومانداسى ءۇشىن ول 51-نومىرمەن ونەر كورسەتەدى. fiftywan inc رەگلامەنتى بويىنشا كومپانيانىڭ اتىنان بۇل نومىرمەن تانىمال سپورتشىلار ونەر كورسەتەدى ەكەن. فۋتبولشىنىڭ مەنەدجەرى دينارا جاعىپاروۆانىڭ ايتۋىنشا، 51- ءنومىر بوس بولماعان، الايدا كلۋب پرەزيدەنتى سۋلەيمان تيۋرك قازاقستاندىق سەرىكتەستەرىنە وسى ءنومىردى يەمدەنۋگە رۇقسات بەرگەن. سونداي- اق رگايەۆاعا رەسەيلىك جانە يسپانيالىق كلۋبتار قىزىققان. قازاقستاندا سابينا «استانا 1964» جانە «شاحتەر» كلۋبتارى ءۇشىن ونەر كورسەتتى. ايتا كەتەيىك، رگايەۆا -  تۇركيا چەمپيوناتىنداعى كلۋبپەن كەلىسىمشارتقا وتىرعان ءبىرىنشى قازاقستاندىق قىز.

 اقپارات كوزى: vesti.kz