ادامزاتتى الداماعان انتيبيوتيكتەر
ءبىراق، سول دارىلەر اعزانىڭ ساۋىعۋىنا دەر كەزىندە كومەكتەسە مە؟ بۇل سۇراققا «ءيا» دەپ جاۋاپ بەرۋ قيىن. كەيدە دارىڭىزدەن دارمەن بولماي، ءتىپتى اۋرۋدى اسقىندىرۋى دا مۇمكىن.
دارىگەرلەردىڭ ايتۋىنشا، ءبىز انتيبيوتيكتەردى قولدانۋ ارقىلى ىشەك جولدارىنداعى تابيعي ميكروفلورانى بۇزىپ، كەرىسىنشە تاماق اللەرگياسىن تۋدىرىپ، ىشەك جۇمىسىن ءبۇلدىرۋىمىز مۇمكىن. وسىلايشا يممۋنيتەت السىرەيدى. سوندىقتان انتيبيوتيكتەر تۋرالى كوبىرەك بىلگەن ءجون. انتيبيوتيكتەردىڭ كوپشىلىگى ىشكە قابىلداعاننان كەيىن بىرنەشە ساعاتتىڭ ىشىندە ينفەكتسياعا قارسى تۇرادى. تەك ەمدەۋ كۋرسىنان تولىق ءوتۋ كەرەك. ويتپەيىنشە، ينفەكتسيا اعزاعا قايتا ورالۋى مۇمكىن ەكەن.
ەگەر وتباسىندا ءبىر ادام انتيبيوتيكتەر قابىلداي باستاسا، ونىڭ قۇرامىندا مىرىش پەن سەلەن، سونىمەن بىرگە ا، ە جانە س ءۆيتامينى سول بولۋى كەرەكتىگىن قاداعالاۋ كەرەك. ول دارىدەن بولاتىن دەرتتىڭ الدىن الادى.
ۇيىڭىزدە انتيبيوتيكتەرمەن تەڭەسە الاتىن، تابيعي قۇنارلى ونىمدەر تۇرسا، ولاردىڭ دا پايداسىن كورە الاسىز. تابيعاتتىڭ وسى سىيلارى باكتەرياعا، قىشىماعا جانە ۆيرۋسقا قارسى تۇرا الاتىن جوعارى ساپاعا يە. ولار اعزانى زياندى باكتەريالاردان قورعايدى. سول سەبەپتى، دارىگەرلەر تومەندەگى كەڭەستەردى ۇسىنادى.
تابيعي انتيبيوتيكتەر
سارىمساق
سارىمساق كۇشتى تابيعي انتيبيوتيك سانالادى. ول ستافيلوكوكك، سترەپتوكوكك (ىرىڭدەۋدى تۋعىزاتىن باكتەريالاردىڭ ءبىر ءتۇرى) جانە باسقا دا باكتەريالارعا قارسى كۇرەسەدى. ونى تۇراقتى جەگەن كىسىلەر سۋسامىر، جوعارى قان قىسىمى، اللەرگيا، ءتىس اۋرۋى، جۇرەك دەرتىنەن ساقتانا الادى ەكەن.
اقجەلكەك
اقجەلكەك (تامىرى تاماققا سالىناتىن وسىمدىك) اعزاداعى ينفەكتسيانى جويۋعا سەپتىگىن تيگىزىپ، يممۋندىق جۇيەنىڭ بەلسەندىلىگىن ارتتىرادى. تاماق اۋرۋى مەن تىنىس الۋ جولدارىنىڭ اسقىنۋىنا قارسى ءبىر - بىردەن ءبىر ءونىم. ونى تۇراقتى پايدالانۋ كىشى دارەت جولدارى اۋرۋلارىن تۋدىراتىن باكتەريالاردى جويۋعا كومەكتەسەدى.
س ءۆيتامينى
س ءۆيتامينى يممۋندىق جۇيەنى نىعايتىپ، اعزانىڭ دەرتپەن كۇرەسۋ قابىلەتىن ارتتىرادى. بۇل ۆيتاميندەر يممۋنيتەتتى كوتەرىپ، جىلاننىڭ ۋىنداي اسەر ەتەدى. ناتيجەسىندە باكتەريالار مەن ۆيرۋستى ينفەكتسيالار جويىلادى. قۇلان- تازا جازىلۋعا دانەكەر بولادى. س ءۆيتامينى قاراقات، اپەلسين، ليمون، كيۆي، قۇلپىناي، الحورى، قاربىزدا مول. كوكونىستەردەن بۇرىش، پياز، اقجەلكەن، قىرىققابات، قويانشوپ، قىزاناق، ساۋمالدىقتا دا س ءۆيتامينى جەتكىلىكتى.
بال
بال ەجەلدەن ەمدىك قاسيەتىمەن ەرەكشەلەنگەن. حالىق اراسىندا ول تابيعي انتيبيوتيك رەتىندە بەلگىلى. ول باكتەرياعا، ۆيرۋسقا، قىشىماعا، قابىنۋعا قارسى بىردەن ءبىر ەم.
دارشىن
دارشىننىڭ ءدارى- دارمەك رەتىندە ءوز تاريحى بار. كوپتەگەن پايدالى زاتتارعا يە وسىمدىك باكتەريا مەن قىشىمانىڭ ءورشۋىن باسادى، دارشىن انتيوكسيدانتتارعا باي. اسقازان دەرتى مەن، قانت دەڭگەيىن قالىپتى ۇستاۋعا، قانداعى ءينسۋليندى رەتەتۋگە، سۋسامىرعا قارسى تاپتىرماس ەم.
ءزىمبىر
ءزىمبىر (تامىرى اسقا ءدام- تاتىم رەتىندە قوسىلاتىن تروپيكتىك وسىمدىك) - سۋىق تيگەندە، تۇماۋ كەزىندە تۇراقتى قولدانىلاتىن دامدەۋىش. ول دارەت جۇرگىزۋ قاسيەتىنە دە يە.
سوڭعى زەرتتەۋلەرگە قاراعاندا، ءزىمبىر تۇماۋ ۆيرۋسىن ءولتىرىپ، ينفەكتسياعا قارسى كۇرەستە يممۋندىق جۇيەنى نىعايتادى. ءزىمبىر جۇرەك اينىعاندا، قۇسقان كەزدە، باس اينالعاندا، جۇكتىلىك كەزدە، حيميوتەراپيا الۋ بارىسىندا، اسقازان بۇزىلعاندا، وستەوارتروز كەزىندە اۋرۋدى باسۋعا، ءتىپتى قاتەرلى ىسىكىت قايتارۋعا دا پايدالى كورىنەدى.
ەۆكاليپت
ەۆكاليپت (ماڭگى جاسىل اعاش) جەرگىلىكتى انتيبيوتيك رەتىندە قولدانىلادى. ول تەرىگە ەنگەن كەزدە باكتەريانى جويادى. بۇل وسىمدىك ءدامدى بولعاندىقتان، شايعا قوسادى. ينفەكتسياعا قارسى جاقسى كۇرەسەتىندىكتەن جوتەلدىڭ بارلىق ءتۇرى كەزىندە، ادامنىڭ ىستىعى كوتەرىلگەندە ىشكەن پايدالى. ول تابيعي انتيسەپتيك رەتىندە تانىمال.
ەحيناتسەيا
ەحيناتسەيا ( قىزىلكۇرەڭ) وسىمدىگى يممۋندىق جۇيەنىڭ بەلسەندىلىگىن ارتتىرادى، اۋرۋدى باسادى، قابىنۋدى ازايتىپ، ۆيرۋسقا قارسى تۇرادى. دارىلىك ءشوپ جينايتىن كاسىبي ماماندار ەحيناتسەيانى دارەت جولدارىن، كانديدوز، قۇلاق اۋرۋى، ميكوز، سينۋسيت، پىشەن بەزگەگى، جازىلمايتىن جارا شىققاندا قولدانىلادى.
زەرتتەۋشىلەردىڭ ايتۋىنشا، ەحيناتسەيا سىعىندىسى ۇشىق ۆيرۋسىنا قارسى، سۋىق تيگەندە، تۇماۋ كەزىندە قولدانىلادى.
الما سىركەسى
الما سىركەسى ۆيرۋسقا، باكتەرياعا جانە قىشىما كەزىندە پايدالانىلادى. الما سىركەسى بارلىق ميكروبتار ءۇشىن قاتەرلى سانالادى. اۋىزدى شايعاندا اعزاعا تەرەڭ سىڭەدى. قىشقىلدار مەن زياندى زاتتاردى اعزادان شىعارادى.
لاۆر جاپىراعى
لاۆر جاپىراعى زياندى ميكروبتار مەن قىشىماعا قارسى بىردەن ءبىر ەم. ول اعزادا دەرتتىڭ اسقىنۋىنا قارسى تۇرادى.
اۋرۋدان ساقتانۋدىڭ بىردەن ءبىر جولى - الدىن الۋ شارالارى. سوندىقتان اتالعان، پايدالى تاعامداردى كۇندەلىكتى پايدالانا بىلگەن پايدالى. بۇل زياندى دارىلەر ىشۋدەن ساقتاندىرىپ، اعزا قىزمەتىن جاقسارتادى.
جولداسبەك دۋاناباي
«ايقىن»