ەلىمىزدە تۇڭعىش رەت جاس اقىندار مەن جازۋشىلاردىڭ كەڭەسى قۇرىلدى
جاستار كەڭەسى - ونەر جانە ادەبيەت سالاسىندا ادىستەمەلىك- ساراپتامالىق جۇمىستى جۇزەگە اسىرۋ ءۇشىن قۇرىلعان كونسۋلتاتيۆتىك- كەڭەستىك ورگان.
مينيسترلىكتىڭ باسپا ءسوز قىزمەتىنەن حابارلاعانداي، كەڭەستىڭ نەگىزگى مىندەتتەرى - جاستارعا قاتىستى كەشەندى ادەبيەت جانە ونەر سالالارىنىڭ باسىم باعىتتارىن انىقتاۋ، ونى قالىپتاستىرۋ جانە ىسكە اسىرۋ، جەكە جانە زاڭدى تۇلعالارمەن، شىعارماشىلىق وداقتار، قاۋىمداستىقتار جانە تاعى باسقا قوعامدىق ماڭىزى ۇيىمدارمەن بىرلەسە وتىرىپ جۇمىس جۇرگىزۋ بولىپ وتىر. سونداي- اق، جاستار كەڭەسى جاستاردىڭ ءتۇرلى زاماناۋي فورۋمدارعا، كونفەرەنسيالارعا، جيىندارعا قاتىسىپ، مينيسترلىكتىڭ شەشىمدەرىن تالقىلاۋ مەن قابىلداۋ كەزىندە جۇرتشىلىقتىڭ پىكىرىن ەسكەرە وتىرىپ جۇمىس جۇرگىزەدى، مەملەكەتتىك جانە ۇكىمەتتىك باعدارلامالاردىڭ جوبالارىن جانە تاعى باسقا دا جاستارعا قاتىستى وزگە دە ماڭىزدى سۇراقتارىن تالقىلاپ، شىعارماشىلىق قايراتكەرلەرمەن جۇمىس بارىسىندا تۋىنداعان ماسەلەلەردى شەشۋدە ورتالىق جانە جەرگىلىكتى اتقارۋشى ورگاندارعا كونسۋلتاتيۆتىك كومەك كورسەتەدى.
«ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ مۇرىندىق بولۋىمەن جۇمىسىن باستاعالى وتىرعان جاستار كەڭەسىنىڭ باستى ماقساتى - قالامگەرلەر مەن وقىرماندار اراسىندا التىن كوپىر بولۋ، جاس قالامگەرلەردىڭ شىعارماشىلىعىن ناسيحاتتاۋ، ادەبي- مادەني ينتەلليگەنتسيانىڭ باس قوسار ورتالىعىنا اينالۋ. سياسى كەپپەگەن جاڭا كىتاپتاردى تالقىلاۋ، وزگە دە ايماقتارمەن بايلانىس جاساۋ ماقساتىندا ادەبي بەينە- كوپىرلەر، وزگە دە ايماق قالامگەرلەرىمەن كەزدەسۋ كەشتەرىن وتكىزۋدى جوسپارلاعان ورتا بولىپ وتىر»، - دەپ قازاقستان جازۋشىلار وداعى باسقارما ءتوراعاسى ۇلىقبەك ەسداۋلەتتىڭ ءسوزىن كەلتىرەدى مينيسترلىكتىڭ باسپا ءسوز قىزمەتى.
جاس اقىن- جازۋشىلار كەڭەسىنىڭ قۇرامىنا ماقسات مالىك، ميراس مۇقاش، ميراس اسان، ايبول يسلامعالي، قانات ءابىلقايىر، باقىتگۇل باباش، دارحان بەيسەنبەك، ەرلان ءجۇنىس، باۋىرجان قاراعىز ۇلى، قالقامان سارين، بەيبىت سارىباي جانە تاعى ءبىرشاما ەلىمىزگە بەلگىلى جاس جانە ورتا بۋىننىڭ تانىمال اقىن- جازۋشىلارى ەنىپ وتىر.
اۆتور: ايان بەكەن ۇلى