رەسەي اۋە- عارىش كۇشتەرىنىڭ جويعىشى ۇشاعى جەرورتا تەڭىزىندە اپاتقا ۇشىرادى

استانا. قازاقپارات - ر ف اۋە- عارىش كۇشتەرىنىڭ جويعىشى جەرورتا تەڭىزىندە اپاتقا ۇشىرادى. اپات سالدارىنان ەكى ۇشقىش تا قازا تاپتى. بۇل تۋرالى جۋرناليستەرگە بەيسەنبى كۇنى ر ف قورعانىس مينيسترلىگى ءمالىم ەتتى، دەپ حابارلايدى ت ا س س.

ۆەدومستۆودا ناقتىلاعانداي، «اپات 3 - مامىر كۇنى ماسكەۋ ۋاقىتىمەن 09:45-تە حمەيميم اۋە ايلاعىنان ۇشقاننان كەيىن بيىكتىككە كوتەرىلىپ جاتقان كەزدە» بولعان. قورعانىس مينيسترلىگى ەكى ۇشقىشتىڭ ۇشاق ءۇشىن «سوڭعى مينۋتتارعا دەيىن» كۇرەسكەنىن اتاپ ءوتتى.

الدىن الا نۇسقا بويىنشا، اپات جويعىشتىڭ قوزعالتقىشىنا قۇس كىرىپ كەتۋى سالدارىنان بولۋى مۇمكىن.

فوتو: سەرگەي بوبىليەۆ