قىتاي اۋەجايلارىندا شەتەلدىكتەر ساۋساق ىزدەرىن تاپسىرۋعا مىندەتتى
دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.
30 - ساۋىردەن باستاپ بەيجىڭ اۋەجايىنداعى تەرمينالدان ءتولقۇجاتتى باقىلاۋ ايماعىنا دەيىنگى اۋماقتا ارنايى اۆتومات كيوسكىلەرى ورناتىلعان.
ساۋساقتاردىڭ تاڭباسىن الۋ پروتسەدۋراسىنان وتۋگە قىتاي يمميگراتسيالىق قىزمەتىنىڭ ماماندارى كومەكتەسەدى. ساۋساق ءىزىن تاپسىرعان جولاۋشىعا تۇبىرتەك بەرىلەدى، ونى ءتولقۇجات باقىلاۋىنا وتكىزۋ قاجەت. بۇل ماعلۇمات كومپيۋتەرلىك دەرەكتەر بازاسىنا ەنگىزىلەدى جانە داكتيلوسكوپيادان قايتا ءوتۋ قاجەت ەتىلمەيدى.
بۇل پروتسەدۋرادان ديپلوماتيالىق ءتولقۇجاتى، European Union Laissez-Passer جانە گۋمانيتارلىق ۆيزالارى بار ازاماتتار بوساتىلادى.
ەسكە سالايىق، 2017 -جىلدىڭ 10 - اقپانىنان شەتەلدىكتەردى داكتيلوسكوپيالاۋ شىنجىندە ەنگىزىلگەن ەدى. مۇنداي پروتسەدۋرانى حاينان پروۆينتسياسىنىڭ اۋەجايىنا ەنگىزۋ جوسپارلانۋدا.