ساپاربايەۆ سۋ ارناسىنا سالىنعان مەكتەپ تۋرالى: ماسقارا عوي بۇل
ءارى مەكتەپ قۇرىلىسى كەزىندە باقىلاۋ بولماعانىن سىنادى. بۇل تۋرالى قازاقپارات ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ حابارلايدى.
اقتوبە قالاسى، اقشات اۋىلىنداعى ورتا مەكتەپ سۋ ارناسىنىڭ بويىنا سالىنىپ، كوكتەم كەزىندە ءبىلىم ورداسىنىڭ جەرتولەسى سۋعا تولىپ كەتتى. بۇعان دەيىن حابارلاعانىمىزداي، پايدالانۋعا بەرىلگەنىنە 4 اي بولعان مەكتەپتە جوندەۋ جۇمىستارى ءجۇردى.
ال بۇگىن وبلىس اكىمى قۇرىلىس كەزىندە ساپاعا باسا نازار اۋدارۋدى، مەكتەپتى سالعان كەزدە باقىلاۋدىڭ بولماعانىن ەسكەرتتى.
«جاڭا ۇيلەردىڭ، مەكتەپتەردىڭ توبەلەرىنەن سۋ اعىپ تۇر، مەكتەپ عيماراتى سۋ تاسقىنىنىڭ تابيعي ارناسىندا تۇرعىزىلعان! ماسقارا عوي بۇل! ىسكە قوسۋ كەزىندە تەحنيكالىق جانە اۆتورلىق قاداعالاۋدان قالاي وتكىزگەن؟ وسىنىڭ ءبارى باقىلاۋدىڭ السىزدىگىنەن. باقىلاۋشى ورگاندار قۇرىلىس باسىنا بارىپ، قالاي سالىپ جاتقاندىرىن، قۇرىلىس نورمالارىنىڭ ساقتالعانىن ءوز كوزدەرىمەن كورۋلەرى ءتيىس! قۇرىلىستا باستىسى - ساپا. ونداي قاتە ەندى بولماۋ قاجەت، باقىلاۋدى كۇشەيتىڭىزدەر!. ال ءالى دە كەپىلدىك قىزمەت كورسەتۋدە تۇرعان جاڭا ۇيلەر مەن الەۋمەتتىك نىساندارعا قاتىستى ايتارىم، مەردىگەرلەر تۇرعىنداردىڭ شاعىمدارىنا ارەكەت ەتىپ، ءوز قاتەلەرىن تەز جويۋلارى قاجەت»، - دەپ تاپسىردى وبلىس اكىمى بەردىبەك ساپاربايەۆ.
ايتا كەتەيىك، جيىن كەزىندە جول سالىپ، كەپىلدىك مەرزىمى بىتپەگەن كومپانيالار مىندەتتەرىن تولىق ورانداۋى ءتيىس ەكەنى ايتىلدى. ماسەلەن، اقتوبە قالاسى بويىنشا 12 شاعىن اۋدان، كوسموس اۋدانى، شەرنياز، كۋتۋيەۆ، ۆ. پاتسايەۆ، ش. قالداياقوۆ كوشەلەرىندەگى جولداردا شۇڭقىرلار بار. مەردىگەر كومپانيالار ءوز قارجىسىنا ءبارىن قالپىنا كەلتىرەدى.