وزبەكستاندا ەكىنشى دۇنيەجۇزىلىك سوعىس كولىكتەرىنىڭ شەرۋى ءوتتى

تاشكەنت. قازاقپارات - وزبەكستان استاناسىندا ەكىنشى دۇنيەجۇزىلىك سوعىستا پايدالانعان تەحنيكالاردىڭ شەرۋى ءوتتى، دەپ حابارلايدى قازاقپارات ءتىلشىسى.

شەرۋدە اسكەري وركەستر سوعىس جىلدارىنداعى ەسكى اۋەندەردى ورىندادى.

«ءبىزدىڭ اكسيا 9 - مامىر - ەسكە الۋ مەن قۇرمەت كورسەتۋ كۇنىنە ارنالعان. بۇعان دەيىن ءبىزدىڭ وركەستر مەترودا شەرۋ وتكىزگەن بولاتىن. ونى حالىق جىلى قابىلداپ، بىزگە قولداۋ كورسەتتى. سوندىقتان، سوعىس جىلدارىنداعى تەحنيكالاردى شىعارىپ، ۇلكەن شەرۋ ۇيىمداستىرۋدى ۇيعاردىق»، - دەپ اتاپ ءوتتى وزبەكستان قورعانىس مينيسترلىگىنىڭ باسپا ءسوز قىزمەتىنىڭ باسشىسى تيمۋر نارزيەۆ.

مەرەكەلىك اكسيانى وزبەكستان قورعانىس مينيسترلىگى، وزبەكستان جاستارى وداعىنىڭ كەڭەسى جانە «Retro uz» اۆتوكلۋبى ۇيىمداستىرعان.