مەكتەپ تۇلەكتەرىنىڭ ليمۋزينمەن جۇرگەنىنە قارسىمىن - مينيستر ساعاديەۆ
«مەن ءوزىم مەكتەپ تۇلەكتەرىنىڭ ليمۋزينمەن جۇرگەندەرىنە قارسىمىن. جالپى، كوپ اقشا جيناماۋ قاجەت. ونىڭ ءبارىن شوۋعا اينالدىرماۋ كەرەك. مەن وندايعا قارسىمىن. مورالدىق تۇرعىدا ول دۇرىس ەمەس. ءبىراق ەكىنشى جاعىنان بالالارعا مەكتەپ بىتىرگەندەرىن تويلاپ، تاڭدى بىرگە اتتىرۋعا تىيىم سالۋعا بولمايدى. نەگىزى، بۇل ماسەلەنى ۇزاق تالقىلاۋعا بولادى. مىسالى، مەكتەپ ءبىتىرۋ كەشىنە مۇلدەم كەلمەۋگە دە بولاتىن شىعار. ول - ءاربىر ادامنىڭ جەكە قالاۋى. ءبىراق 11 جىلدا ءبىر رەت بولاتىن كەشكە رۇقسات بەرمەۋ دۇرىس ەمەس سياقتى»، - دەدى ە. ساعاديەۆ ۇكىمەت وتىرىسىنان كەيىن.
ايتا كەتەيىك، بۇگىنگى وتىرىستا بىرنەشە ماسەلە قارالدى. سونىڭ ءبىرى - تۇتىنۋشىلار قۇقىقتارىن قورعاۋ. وسى ورايدا ق ر پرەمەر- ءمينيسترى باقىتجان ساعىنتايەۆ ساپاسىز تاۋار ساتاتىندارعا «سەنبەيمىز!» دەگەن ايدار تاعۋدى ۇسىندى.
اۆتور: ارمان اسقاروۆ