ەكى جاسار بالا اناسى مەن قارىنداسىن قۇتقارىپ، ءوزى اجال قۇشتى
بۇل تۋرالى Daily Mail باسىلىمىنا سىلتەپ Stan.kz اقپاراتتىق اگەنتتىگى حابارلايدى.
ا ق ش- تىڭ كەنتۋككي ايماعىندا تۇراتىن 26 جاستاعى ۋيتني دجونسون ءالى دە ءوز- وزىنە كەلە الار ەمەس. ول قاراڭعى ءتۇنى بولعان وقيعانى كوزىنە جاس الا وتىرىپ، ەسكە الادى.
ءورت تۇتانعان سوڭ، دەتەكتور دەر كەزىندە بەلگى بەرمەگەن. سوندىقتان دا ايەل بالاسىنىڭ ايقايىنان كەيىن عانا ويانعان.
بايبالام سالعان ايەل 5 اپتالىق قىزى نيلا مەن ۇلىن قۇشاقتاپ، ەسىككە قاراي جۇگىرگەن. وتتىڭ اراسىنان ءوتىپ، شىعا بەرىسكە كەلگەن كەزدە كىلتتى ىزدەۋگە كىرىسكەن. سول ساتتە ۇلىنىڭ قولىن جىبەرگەن ول اعاتتىق جىبەرگەنىن بىلمەسە كەرەكتى.
«وتتىڭ اراسىنان جۇگىرىپ وتتىك. دەمەتريۋستىڭ قاتتى قورقىپ تۇرعانىن بايقادىم. سول ساتتە ولەمىز، بىتكەن جەرىمىز وسى دەپ ويلادىم»، - دەيدى ايەل.
اناسى قولىنان جىبەرە سالعان كەزدە، بالا قورقىپ، ءوزىنىڭ جاتىن بولمەسىنە جۇگىرىپ كەتكەن. وسى كەزدە ۋيتنيدىڭ الدىندا تاڭداۋ تۇردى، ول بالالارىنىڭ قايسىسىن قۇتقارارىن بىلمەدى.
«قولىمداعى قىزىممەن ەسىكتى اشۋعا تىرىستىم. ۇلىمنىڭ قولىن جىبەرە سالۋعا تۋرا كەلدى. ول جوتەلىپ، مەنى شاقىرىپ جاتتى. ونى تابۋعا تىرىستىم، ءبىراق تۇتىننەن ەشتەڭە كورىنبەدى»، - دەيدى ايەل.
قۇنداقتاعى ءسابيىنىڭ باسى بالقىپ بارا جاتقاندىقتان، اناسى ۇزاق ويلانا المادى. اقىرىندا قىزىمەن بىرگە كورشىنىڭ ۇيىنە جۇگىرىپ بارىپ، قايتا ورالدى. ءبىراق ۇلگەرمەدى. بالا ءوز توسەگىندە جاتىپ، ۋلانىپ كوز جۇمعان. پەرزەنتىنەن ايىرىلىپ قالعانىنا قاراماستان، ايەل شۋ كوتەرىپ، كورشىلەرىنىڭ ءومىرىن قۇتقارىپ قالعان.
«مەنىڭ ۇلىم دەمەتريۋس - ناعىز باتىر. ەگەر دە ول بولماعاندا، ءبىز قازىر وسى جەردە وتىرماس ەدىك»، - دەيدى ايەل.
ۋيتنيدىڭ دەنەسىن%30 عا، ال ءسابيىنىڭ دەنەسىن %19 عا كۇيىك شالعان. الايدا وتباسىنىڭ باسىنا ۇيىرىلگەن جالعىز بۇلت بۇل ەمەس. ايەلدىڭ ايتۋىنشا، دەنەسىندەگى كۇيىكتىڭ سالدارىنان، ادامدار نەشە ءتۇرلىنى ايتا باستاعان. ولار كىشكەنتاي نيلانى قۇبىجىققا تەڭەپ، ۇلدىڭ ولىمىنە اناسىن كىنالايدى ەكەن.
« ۇلىنىڭ ورنىنا، اناسى ءولۋ كەرەك ەدى دەپ جازادى. وندايدى وقىعاندا كوز جاسىمدى توقتاتا المايمىن. ادامدار مەنىڭ ورنىمدا بولعان جوق، مەنىڭ قولىمنان ەشتەڭە كەلمەدى»، - دەيدى ايەل.