ۇكىمەت باسشىسى ەكسپورتقا سالىنعان قارجىنىڭ قانداي پايدا اكەلگەندىگىن جاريالادى

استانا. قازاقپارات - ۇكىمەت باسشىسى باقىتجان ساعىنتايەۆ ەكسپورت سالاسىنداعى كەمشىلىكتەردى انىقتاۋدى تاپسىردى، دەپ حابارلايدى قازاقپارات ءتىلشىسى.

«باياندامالاردان كورىپ وتىرعانىمىزداي، بۇگىندە ەكسپورت سالاسىندا وڭ سەرپىن بايقالىپ وتىر. 800 تاۋارلىق پوزيتسيا بويىنشا 122 مەملەكەتكە ءوز ونىمدەرىمىزدى شىعارىپ وتىرمىز. 2017 -جىلدىڭ قورىتىندىسىمەن بىرگە 30 پروتسەنتتىك ءوسىم بار. دەگەنمەن، بارلىق مۇمكىندىگىمىزدى پايدالانىپ وتىرمىز با؟ جوق پا؟ سول جاعىن قاراستىرۋ قاجەت. قانداي كەدەرگىلەر بار؟ بىلتىر ءبىز سول كەدەرگىلەردى الىپ تاستاۋعا ارنالعان جول كارتاسىن ازىرلەۋ بويىنشا تاپسىرما بەرگەن بولاتىنبىز. وكىنىشكە قاراي، جەڭىس ماحمۇد ۇلى، سول جول كارتاسى ءالى دايىندالعان جوق. ەربول اسكەربەك ۇلى، وسى مامىر ايىندا جول كارتاسىن دايىنداپ، ەكسپورتتى ءارتاراپتاندىرۋ جونىندەگى كەڭەستىڭ وتىرىسىنا شىعارۋ قاجەت»، - دەدى ب. ساعىنتايەۆ.

پرەمەر- ءمينيستردىڭ سوزىنە قاراعاندا، شەت ەلدەرمەن اراداعى ساۋدا- ەكونوميكالىق كەلىسىمدەردى جان- جاقتى زەردەلەپ، ول قۇجاتتاردىڭ مۇمكىندىكتەرىن قانشالىقتى پايدالانىپ وتىرعانىمىزدى انىقتاۋ قاجەت. «ويتكەنى ءبىر جىلدىڭ ىشىندە قارجىلىق كومەكتى بار بولعانى 40 كومپانيا عانا العان. بۇگىندە ەكسپورتقا شىعاتىن كومپانيالاردىڭ سەرۆيستىك قىزمەتىنە بولىنگەن ءبىر تەڭگە 50 تەڭگەلىك ەكسپورتتىق كەلىسىمشارتتاردى اكەلىپ وتىر. ول - وتە ۇلكەن كورسەتكىش. بۇل دەگەنىمىز، ءاربىر تەڭگەدەن ءبىراز اقشا ءتۇسىپ وتىر. سول سەبەپتى وسى باعىتتاعى جۇمىستى جالعاستىرۋ قاجەت»، - دەپ اتاپ كورسەتتى ب. ساعىنتايەۆ.

 ايتا كەتەيىك، بۇگىنگى وتىرىستا ق ر ينۆەستيتسيالار جانە دامۋ ءمينيسترى جەڭىس قاسىمبەك وتاندىق تاۋارلاردى شەتەلگە شىعارۋ بويىنشا ەسەپ بەردى. سونداي- اق، مينيستر وتاندىق تاۋارلاردى شەتەلگە ەكسپورتتاۋدىڭ نەگىزگى پروبلەمالارىن اتاپ ءوتتى.

اۆتور: ارمان اسقاروۆ