مەملەكەت باسشىسى استاناداعى جاڭا مەشىتتى بارىپ كوردى
دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتىنە مەشىتتىڭ قۇرىلىسى مەن وسى عيماراتتى ەلەكتر جانە جىلۋمەن قامتاسىز ەتۋ ءۇشىن پايدالانىلاتىن بالامالى ەنەرگيا كوزدەرى تۋرالى تولىعىراق اقپارات بەرىلدى.
ەسىلدىڭ وڭ جاعالاۋىندا ورنالاسقان مەشىتتىڭ قۇرىلىسى 2016 -جىلى باستالدى. ول قايىرىمدىلىقتان تۇسكەن اقشا ەسەبىنەن تۇرعىزىلعان. مەشىتتىڭ عيماراتى ءداستۇرلى ويۋ- ورنەكتەر جانە دەكوراتيۆ ەلەمەنتتەردى قولدانا وتىرىپ، پوستمودەرنيزم ستيلىندە سالىنعان. كۇمبەزىنىڭ ديامەترى - 26 مەتر. سىرتتاي قاراعاندا مەشىتتىڭ ديزاينى گۇلگە جانە المازدىڭ قىرىنا ۇقسايدى.
مەشىتتىڭ باستى عيماراتىنان سولتۇستىككە قاراي ورنالاسقان مۇنارانىڭ بيىكتىگى - 43,5 مەتردى قۇرايدى. ول «قالام» - «قاسيەتتى قالامۇش» بەينەسىندە جاسالعان.
جاڭا مەشىتتى ەنەرگيامەن قامتاماسىز ەتۋ ءۇشىن قولدانىلاتىن بالاما كوزدەر قاجەتتى كولەمنەن ءۇش ەسە ارتىق ەلەكتر ەنەرگياسىن وندىرەدى. مەشىت 750 ادامعا ارنالعان.
اۋماعى - 2248 شارشى مەتر. ال جالپى ۋچاسكەنىڭ اۋماعى - 1,44 گەكتار.
