ۇلكەن قۇپيالاردى وزىمەن اكەتكەندەر

نۇر-سۇلتان. قازاقپارات - تاريحتا اشىلماعان قۇپيالاردىڭ لەگىن ءتىزىپ شىعۋ مۇمكىن ەمەس. سىرىن ايتسا دا جانامالاپ، استارلاپ جەتكىزەتىندەردىڭ تۇپكى ويىن ءبىلۋ ادامزاتتى ءبىراز سارساڭعا سالدىرعان.

قابىلداعان شەشىمىنىڭ ءمانىن، ونە بويىنداعى قاسيەتى مەن مۇراسىن بەيمالىم كۇيدە قالدىرعان 8 تۇلعانىڭ قۇپيالارىن نازارلارىڭىزعا ۇسىنامىز.

1. ءومىردىڭ باستى سۇراعى.

42 دۋگلاس

ادامستىڭ اتاقتى «گالاكتيكاعا حيچ- حايك ساياحات» اتتى تريللولوگياسىندا ءومىردىڭ باستى سۇراعىنا «42» دەپ جاۋاپ جازىلعان. ءبىراق، ادامس نەگە ءدال 42 دەپ جازعانىن ەشكىمگە ايتپادى. جازۋشىنىڭ ستيۆەن فراي اتتى جولداسى قۇپيانىڭ سىرىن بىلەتىن بولىپ شىقتى. الايدا، دوسىنا دەگەن قۇرمەتى ءۇشىن ساننىڭ سىرىن اشپاعان.

2. ەينشتەيننىڭ سوڭعى ءسوزى

ەينشتەين كوز جۇمار الدىندا مەدبيكەگە نەمىس تىلىندە بىرنەشە ءسوز ايتقان. وزىنە تۇسىنىكسىز سوزدەردى مەدبيكە اجىراتىپ تا ۇلگەرمەگەن. ەينشتەيننىڭ نە ايتقىسى كەلگەنى جايلى پايىم از ەمەس. كوپ پىكىردىڭ ءبىرى بويىنشا ول: «مەنىڭ مۇنداعى مىندەتىم اياقتالدى» دەگەندى ايتقىسى كەلگەن ەكەن.

3. ماگنيت ونەرى

ەدۆارد ليدسكالنين - توننا- توننا تاستاردان ءوزى جالعىز ساراي جاساعان لاتىن يمميگرانتى. بويى 160 س م، سالماعى 50 ك گ ادامنىڭ 50 توننالىق تاستاردى قالاي بىرىكتىرگەنى ادامزاتتىڭ تاڭدانىسىن تۋدىردى. ليدسكالنين ءوز قۇپياسىن اشقان جوق. ءبىراق: «مەن پيراميدا قۇرلىسشىلارىنىڭ قۇپياسىن اشتىم» دەگەن ەكەن.

4. گارري گۋدينيدىڭ اشىلماعان سىرلارى

اتاعى جەر جارعان سيقىرشى گارري گۋديني ءومىرىنىڭ سوڭعى ساتتەرىندە سەيفكە حات جاسىرىپتى. دەرەكتەرگە سۇيەنسەك، ول حاتتا گۋدينيدىڭ ۇزدىك تريۋكتارىنىڭ قۇپياسى جازىلعان- مىس. وسيەتناماسىندا ول سەيفتى تۋعانىنا 100 جىل تولعان سوڭ اشۋدى تاپسىرادى. 1974 -جىلى، 6 - ساۋىردە كەلىپ جەتكەن مەرزىم بويىنشا، نوتاريالدىق كەڭسە وكىلدەرى سەيفتى حالىقتىڭ كوزىنشە اشقاندا ەشقانداي حات تابىلماعان. كەيبىرى بۇل گۋدينيدىڭ سوڭعى سيقىرى دەگەندى ايتادى. ال، تريۋكتارىنىڭ قۇپياسىن ول وزىمەن بىرگە اكەتتى دەگەن بولجام بار.

5. يۆان گروزنىيدىڭ كىتاپحاناسى

يۆان گروزنىي كىتاپحاناسى (ليبەريا) - يۆان پاتشا گروزنىي يەلىك ەتكەن ۇلكەن كىتاپتار مەن قۇجاتتار جيناقتالعان اتى اڭىزعا اينالعان كىتاپحانا. وندا عىلىمي تراكتاتتار، ەجەلگى كلاسسيكتەر مەن الەم فيلوسوفتارىنىڭ جۇمىستارى ساقتالعان. جيناقتاردىڭ قۇندى بولعانى سونشالىق، پاتشا كىتاپحانانى ليبەرياعا تىعىپ، ورنالاسقان جەرىن سەنىمدى بىرنەشە ادامعا عانا ايتۋعا بۇيرىق بەرگەن. كىتاپحانانىڭ قۇپياسى ۇرپاقتان ۇرپاققا جەتكىزىلىپ وتىرادى دەپ بولجالعان. الايدا، پاتشانىڭ ولىمىنەن سوڭ مەكەمەنىڭ ورنالاسقانى جايلى بۇكىل اقپارات جوعالىپ كەتكەن.

6. ءتورتىنشى كاردينال

ريم پاپالارى كاردينالدى قۇپيا تۇردە تاعايىنداۋ قۇقىعىنا يە. يوانن پاۆەل II 27 جىل باسشى بولىپ، 4 رەت كاردينالدى قۇپيا تاعايىنداعان. ءبىرىنشىسى ءوز ءومىرىنىڭ 30 جىلىن قىتاي تۇرمەسىندە وتكىزگەن ارحيەپيسكوپ گۋن پينمەي بولدى. ريم پاپاسى ونى 1979 -جىلى كاردينال قىلىپ، بۇل تۋرالى تەك 1991 -جىلى عانا ايتقان بولاتىن. كەيىننەن ەكى كاردينالدىڭ اتى دا قالىڭ جۇرتشىلىققا جاريالاندى. الايدا، ءتورتىنشى كاردينالدىڭ ەسىمى ءالى دە قۇپيا. ول جايلى يوانن پاۆەل II نە كوزى تىرىسىندە، نە وسيەتناماسىندا ايتپاعان. بۇل دەگەنىڭىز، ەسىمى بەلگىسىز كاردينال الەمنىڭ ءبىر ۇشىندا وسىنداي لاۋازىمدا ەكەنىنەن بەيحابار كۇيدە كۇن كەشىپ جاتىر دەگەن ءسوز.

7. بەتحوۆەننىڭ عاشىقتىق حاتى

بەتحوۆەن دۇنيەدەن وتكەن سوڭ، ونىڭ جەكە زاتتارىنىڭ اراسىنان ادرەساتقا جەتپەگەن عاشىقتىق حاتى تابىلعان. كونۆەرتتە دە، حاتتىڭ ىشىندە دە كىمگە باعىتتالعانى جايلى ەش دەرەك جازىلماعان. سول سەبەپتى، حاتتىڭ يەسى تەك اۆتوردىڭ وزىڭە عانا ءمالىم.

8. قاقپاق ادام

اندجەلو فاتيكوني - عالىمدار ءۇشىن شەشىمى تابىلماعان جۇمباق ءتارىزدى. ول 1859 -جىلى دۇنيەگە كەلگەن. بالالىق شاعىندا سۋعا باتپايتىن قابىلەتكە يە بولعان. ءبىر كەزدەرى گارۆارد ۋنيۆەرسيتەتىنىڭ عالىمدارى فاتيكونيدىڭ قابىلەتىن بايقاپ كورۋ ءۇشىن 9 ك گ جۇكتى بايلاپ، حاۋىزدىڭ تۇبىنە جىبەرەدى. ول 15 ساعاتتىڭ ىشىندە ءجۇزىپ شىققان. عالىمدار ونى قاقپاق ادام دەپ اتادى. ول ءوز قابىلەتىنىڭ قۇپياسىن اشپاعان كۇيى 1931 -جىلى كوز جۇمدى.

دەرەككوز: likeme.kz