بايقوڭىردا عارىشكەر ايەل تۋرالى فيلم ءتۇسىرىلىپ جاتىر
بايقوڭىر قالاسى اكىمشىلىگى باسپا ءسوز قىزمەتى باسشىسىنىڭ ايتۋىنشا، كينوكومپانيا وكىلدەرى ءبىر اپتا بويى «بايقوڭىر» عارىش كەشەنىندە جۇمىس ىستەگەن.
«PROXIMA» جۇمىس اتاۋى بەرىلگەن فيلمگە «كازينو رويال» كينوسىنداعى رولدەرى ارقىلى تانىمال بولعان فرانتسۋز اكتريساسى ەۆا گرين، سونداي- اق ونىڭ امەريكالىق ارىپتەسى مەتت ديللون ءتۇسىپ جاتىر.
رەجيسسەر ەليس ۆينوكۋردىڭ جاڭا كارتيناسى عارىشكەرلەرگە ارنالادى. ەۆا گرين عارىشكەر ايەلدىڭ ءرولىن سومداماق.
بەلگىلى بولعانداي، فيلمنىڭ ءتۇسىرىلىمى ماسكەۋ ماڭىنداعى زۆەزدنىي قالاشىعىندا وتكەن. كەيىپكەر ول جەردە ۇشۋعا دايىندىق جۇمىستارىن جۇرگىزىپ، كىشكەنتاي قىزىمەن ۇزاق ۋاقىتقا ايىرىلىسۋعا ءوزىن- ءوزى ىشتەي دايىندايدى.
«بۇل «ءوز ومىرىنەن دە ماڭىزدى ماقسات ءۇشىن قورقىنىش پەن اۋرۋدى جەڭۋ تۋرالى وقيعا» بولماق» ، - دەپ كەلتىرەدى ب ا ق رەجيسسەردىڭ ءسوزىن.