ەلىمىزدە قانداي مەكەمەلەردە ۆيدەو تۇسىرۋگە رۇقسات ەتىلگەن؟

استانا. قازاقپارات - الەۋمەتتىك جەلىلەردە تارالىپ جاتقان ۆيدەولاردا روليك كەيىپكەرلەرى ءوزىن ۆيدەوعا تۇسىرمەۋدى تالاپ ەتەدى.

تۇسىرگەن ۆيدەونى الەۋمەتتىك جەلىدە جاريالاۋ ماسەلەسى دە ماڭىزدى. تەngrinews.kz ءتىلشىسى وسى ەكى ماسەلە بويىنشا زاڭ نە دەيتىنىن، زاڭدى زاڭگەرلەردىڭ قالاي تۇسىندىرەتىنىن انىقتاپ كوردى.

زاڭگەر سەرگەي ۋتكين قاي جەرلەردە ۆيدەو تۇسىرۋگە تىيىم سالىنعانىن ايتتى. «زاڭ بويىنشا فوتو جانە ۆيدەوعا ءتۇسىرۋ مىناداي نىسانداردى تۇسىرۋگە تىيىم سالىنادى: قاۋىپسىزدىگى ءار ءتۇرلى دەڭگەيلى قىلمىستىق-اتقارۋ جۇيەسى مەكەمەسىندە (اكىمشىلىك رۇقسات بەرگەن جاعدايدا عانا تۇسىرۋگە رۇقسات)؛ سوت زالىندا (ءتوراعالىق ەتىپ وتىرعان ادامنىڭ رۇقساتىمەن)»، - دەيدى سەرگەي ۋتكين.

ق ر بۇقارالىق اقپارات قۇرالدارى تۋرالى 1999 -جىلعى 23 -شىلدەدەگى №451 زاڭىنىڭ 1-بابى 4-تارماعى بويىنشا، بۇقارالىق اقپارات قۇرالى - مەرزىمدى باسپا ءسوز باسىلىمى، تەلە-، راديوارنا، كينوقۇجاتتاما، دىبىس- بەينەجازباسى جانە ينتەرنەت-رەسۋرستاردى قوسا العاندا، بۇقارالىق اقپاراتتى مەرزىمدى نەمەسە ۇزدىكسىز بۇقارالىق تاراتۋدىڭ باسقا دا نىسانى. وسى ورايدا زاڭگەر سەرگەي ۋتكين «ينتەرنەت-رەسۋرستاردى قوسا العاندا» دەگەن ءسوزدى نەگىزگە الا وتىرىپ، ەلىمىزدە كەز كەلگەن ادام، ياعني الەۋمەتتىك جەلىدە تىركەلىپ، قاندايدا ءبىر كونتەنتتى ۇسىنىپ وتىرعان قولدانۋشى ب ا ق وكىلى رەتىندە ەسەپتەلەدى.

سول سەبەپتى كەز كەلگەن الەۋمەتتىك جەلى قولدانۋشىسىنا جوعارىدا اتالعان تىيىم سالىنعان مەكەمەلەردەن باسقا جەردە ۆيدەو تۇسىرۋىنە رۇقسات بەرىلگەن. قانداي دا ءبىر زاڭبۇزۋشىلىقتى نە ءتارتىپسىز قىلىقتى ۆيدەوعا تۇسىرۋگە كەدەرگى كەلتىرگەن ادام زاڭ الدىندا جاۋاپ بەرەدى. بۇقارالىق اقپارات قۇرالدارى تۋرالى كودەكستىڭ 14-بابىندا («بۇقارالىق اقپارات قۇرالدارىنىڭ ءونىمىن تاراتۋ») قانداي جاعدايدا ۆيدەوعا تۇسىرۋگە بولاتىنى انىقتاپ جازىلعان.

«بۇقارالىق اقپارات قۇرالدارىنىڭ ءونىمىن تاراتۋدى مەنشىك يەسىنىڭ شەشىمى بويىنشا ونىڭ ءوزى نە شارت نەگىزىندە نەمەسە وزگە دە زاڭدى نەگىزدەردە رەداكتسيا، باسپاگەر، سونداي-اق ۇيىمدار مەن ازاماتتار جۇزەگە اسىرادى. بۇقارالىق اقپارات قۇرالدارىنا ب ا ق ونىمدەرىن دايىنداۋ، جاريالاۋ، قايتالاپ كورسەتۋ جانە تاراتۋ كەزىندە مىناداي جاعدايلاردا بەينەلەنەتىن ادامنىڭ كەلىسىمى تالاپ ەتىلمەيدى:

ەگەر وسى ادام ويىن-ساۋىق مادەني- بۇقارالىق، مادەنيەت سالاسىندا الەۋمەتتىك ماڭىزى بار، سپورتتىق- بۇقارالىق ءىس- شارالاردا، جينالىستاردا، ميتينگىلەردە، شەرۋلەردە نەمەسە دەمونستراتسيالاردا جانە وزگە دە بۇقارالىق ءىس- شارالاردا بولسا نەمەسە ولارعا قاتىسسا؛ ەگەر تاراتىلاتىن اقپاراتتا ادامنىڭ بەت-بەينەسى جانە وسى ادامنىڭ قىزمەتتىك جۇمىسىمەن جانە (نەمەسە) جاريا قىزمەتىمەن بايلانىستى مالىمەتتەر قامتىلسا، سونداي-اق ونى ادامنىڭ ءوزى، ونىڭ زاڭدى وكىلى نەمەسە ۋاكىلەتتى تۇلعا قولجەتىمدىلىگى شەكتەلمەگەن كوزدەردە جاريالاسا؛ ەگەر بەينەلەنەتىن ادامدى پايدالانۋ كونستيتۋتسيالىق قۇرىلىستى قورعاۋ، قوعامدىق ءتارتىپتى، ادامنىڭ قۇقىقتارى مەن بوستاندىقتارىن، حالىقتىڭ دەنساۋلىعى مەن يماندىلىعىن ساقتاۋ ماقساتىندا جۇزەگە اسىرىلاتىن بولسا.

سونىمەن قاتار، ق ر ازاماتتىق كودەكسىنىڭ 145-بابى («ءوز بەينەسىنە قۇقىق») بويىنشا، قانداي دا بىر ادامنىڭ سۋرەت بەينەسىن ونىڭ كەلىسىمىنسىز، ال ول قايتىس بولعان جاعدايدا - مۇراگەرلەرىنىڭ كەلىسىمىنسىز پايدالانۋعا ەشكىمنىڭ دە قۇقىعى جوق. باسقا ادام بەينەلەگەن بەينەلەۋ تۋىندىلارىن (سۋرەت، فوتوسۋرەت، كينوفيلم جانە باسقالار) - بەينەلەنگەن ادامنىڭ كەلىسىمىمەن، ال ول قايتىس بولعاننان كەيىن ونىڭ بالالارى مەن ارتىندا قالعان جۇبايىنىڭ كەلىسىمىمەن عانا جاريالاۋعا، قايتا شىعارۋعا جانە تاراتۋعا جول بەرىلەدى.

ەگەر زاڭ قۇجاتتارىندا بەلگىلەنسە، نە بەينەلەنگەن ادام اقى الىپ كەسكىندەلگەن بولسا، ونداي كەلىسىم تالاپ ەتىلمەيدى. كەز كەلگەن سۋرەتتى نە ۆيدەونى پايدالانۋدا قانداي ماقساتپەن جاسالعانى ماڭىزدى.

بۇرىندارى ق ر ىشكى ىستەر ءمينيسترى قالمۇحانبەت قاسىموۆ پوليتسەيلەردى ۆيدەوعا تۇسىرۋگە بولا ما؟ دەگەن سۇراققا بىلاي دەپ جاۋاپ بەرگەن ەدى. «ازاماتتىق كودەكس پوليتسەيلەرگە دە قاتىستى، وعان سايكەس ەگەر ادام ءوزىنىڭ سۋرەتىنىڭ باسقا ءبىر جەرلەردە تارالۋىن قالاماسا وندا تۇسىرۋگە تىيىم سالىنادى. بۇل زاڭمەن قۋدالانادى، بۇل بىرىنشىدەن. ەكىنشىدەن، ەگەر پوليتسەي ءوز ىسىمەن اينالىسىپ جۇرسە، ياعني وقيعا ورنىن تەكسەرىپ، تەرگەۋ جۇرگىزىپ جۇرسە، بۇل جاعدايدا كامەراعا تۇسىرۋگە تىيىم سالىنادى. ءبىراق جول پوليتسياسى قىزمەتىنە قاتىستى، ءبىز قازىر «جول پوليتسياسى تۋرالى» زاڭعا مىناداي تولىقتىرۋ ەنگىزدىك.

ياعني، ءسىزدى توقتاتىپ، حاتتاما تولتىرعان جول پوليتسەيىن تۇسىرۋگە بولادى، بۇل زاڭدى» - دەگەن ەدى مينيستر. ق ر تۇتىنۋشىلاردىڭ قۇقىقتارىن قورعاۋ تۋرالى كودەكسىنىڭ 18-بابىندا بىلاي دەلىنگەن: «تۇتىنۋشىدا تاۋاردى ساتىپ الۋ فاكتىسىن راستايتىن قۇجاتتىڭ بولماۋى ونى كۋالاردىڭ ايعاقتارىنا، سونداي-اق تاۋاردى ساتىپ الۋ فاكتىسىن راستايتىن قۇجاتتارعا جانە باسقا دا دالەلدەۋ قۇرالدارىنا، ونىڭ ىشىندە فوتو- جانە (نەمەسە) بەينەتىركەۋگە سىلتەمە جاساۋ قۇقىعىنان ايىرمايدى».