ءبىلىم مينيسترلىگىنىڭ باسشىسى ەڭ قاجەتتى ماماندىقتاردى اتادى

 استانا. قازاقپارات - ق ر ءبىلىم جانە عىلىم ءمينيسترى ەرلان ساعاديەۆ بولاشاقتا تالاپ ەتىلەتىن ماماندىقتاردى اتادى.

حالىقپەن كەزدەسۋ بارىسىندا كەلەسى جىلى ج و و- نا تۇسۋگە دايىندالىپ جاتقان وقۋشىنىڭ اناسى مينيسترگە سۇراق قويدى. قازاقستاندىق ايەل بولاشاقتا قانداي ماماندىقتاردىڭ تالاپ ەتىلەتىنىنە قىزىعۋشىلىق تانىتتى.

بۇل تۋرالى Sputnik قازاقستان- عا سىلتەپ، Stan.kz اقپاراتتىق اگەنتتىگى حابارلايدى.

«بارلىق ماماندىق سۇرانىسقا يە بولادى. جالپى مەن فيلوسوف ماماندىعىن بىتىرگەنمىن. قاراپ وتىرساڭ ەشكىمگە قاجەتى جوق ماماندىقتىڭ پايداسى بولدى. گۋمانيتارلىق عىلىمدارعا ەرەكشە كوڭىل ءبولىنۋى كەرەك. ويتكەنى ماسەلە باعىتتا ەمەس، ماڭىزدىسى ءوز ءپانىڭدى تەرەڭ بىلۋدە»، - دەپ جاۋاپ بەردى ءبىلىم مينيسترلىگىنىڭ باسشىسى.

ساعاديەۆ بولاشاقتا ءوز ءىسىنىڭ شەبەرلەرى سۇرانىسقا يە بولاتىنىن ءتۇسىندىردى.

«ستوماتولوگيا، فيلوسوفيا، پسيحولوگيا، تەمىرجول قۇرىلىسى - ءبارى دە سۇرانىسقا يە بولادى. ماسەلە، ءوز ءپانىڭدى قانشالىقتى جاقسى بىلەسىڭ، ستۋدەنتتەر نەمەسە عالىمداردىڭ رەيتينگىسىندە قانداي ورىن الاسىڭ، وسىلار ماڭىزدى. سوندىقتان ماسەلە پاندە ەمەس، ءبىلىمنىڭ تەرەڭدىگىندە»، - دەدى ءبىلىم جانە عىلىم ءمينيسترى.