سولتۇستىك قازاقستاندا ورىس ءتىلىن بىلمەيتىن جاستار جۇمىسقا ورنالاسا الماي قينالىپ ءجۇر

استانا. قازاقپارات - سولتۇستىك قازاقستان وبلىسىندا «سەرپىن» باعدارلاماسىمەن ءبىلىپ الىپ جاتقان جاستاردىڭ كوبى ورىس ءتىلىن جەتىك بىلمەۋىنە بايلانىستى جۇمىسسىز قالۋى مۇمكىن.

وڭتۇستىكتەن كەلىپ، دەنى مۇعالىم ماماندىعىن يگەرگەن ولار تەك قازاق تىلىندە ساباق بەرە الادى ەكەن. ال وڭىردە قازاقشا مەكتەپتەردىڭ سانى تىم از. بارىنىڭ ءوزى تىم شالعاي اۋىلداردا، دەپ حابارلادى ك ت ك.

«نەگىزى ۇسىلىنىپ جاتقان ۆاكانسيالاردىڭ(بوس ورىنداردىڭ) بارلىعى ورىس تىلىندە. مەن ءوزىم قازاق تىلىندە ءبىلىم العاندىقتان، ماعان ورىس تىلىندە بەرۋگە مەنىڭ مۇمكىندىگىم جوق. ماعان نەگىزىنەن قازاق تىلىندە ۇسىنىلىپ وتىرعان ۆاكانسيالار كوبىنەسە اۋىلدىق جەردەردەن الىس جەرلەردەن بولىپ تۇر. جانە دە قالادان پەتروپاۆل قالاسىنان الىس جەردە. جانە دە ەكىنشى پروبلەما تۋعىزىپ تۇرعان جاتاتىن ورىن بولىپ تۇر. باسپانا ماسەلەسى بولىپ تۇر»، - دەيدى م. قوزىبايەۆ اتىنداعى س ق م ۋ ستۋدەنتى مەرۋەرت احمەت.

ارينە، 4 -جىلدا قالاعا ۇيرەنگەن جاستار 300-400 شاقىرىم جەردەگى اۋىلدارعا بارعىسى كەلمەيدى. ونىڭ ۇستىنە ونداعى شاعىن مەكتەپتەردە ساعات سانى تابىلىپ، جالاقىسىنىڭ ءتيىستى دەڭگەيدە بولاتىنىنا دا ەشكىم كەپىل بەرمەيدى. دەموگرافيالىق احۋالى مۇشكىل تەرىسكەيدە حالىق سانىن كوبەيتۋگە باعىتتالعان «سەرپىن» باعدارلاماسى بويىنشا وڭىردە ءبىر جارىم مىڭ ستۋدەنت ءبىلىم الىپ جاتىر. ونىڭ 130 ى جوعارى وقۋ ورنىن بيىل ءتامامدايدى.

بۇلار اتالعان باعدارلامانىڭ العاشقى تۇلەكتەرى بولماق. بۇگىن سولارمەن كەزدەسكەن اتقامىنەرلەر اۋدان اكىمدەرىمەن كەڭەسىپ، تۇلەكتەردى تەرىسكەيدە قالدىرۋعا تىرىساتىنىن جەتكىزدى. سونداي-اق، ماقساتى ءدال وسىنداي وزگە باعدارلاما بويىنشا بيىل سولتۇستىككە 700 دەي وتباسى قونىس اۋدارۋى ءتيىس ەكەن. شەندىلەر بيىلعى تۇلەكتەردى دە سوعان قاتىستىرىپ، ءبىر وقپەن ەكى قويان اتىپ الماقشى.