يتاليالىق ج و و رەكتورى باتىس قازاقستان ۋنيۆەرسيتەتىنىڭ قۇرمەتتى پروفەسسورى اتاندى

ورال. قازاقپارات - م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتى مەن يتاليانىڭ نەاپول شىعىس ۋنيۆەرسيتەتى ءوزارا قارىم-قاتىناسىن نىعايتا تۇسەتىن بولادى، دەپ حابارلايدى قازاقپارات ءتىلشىسى.

وسى ورايدا ءبىلىم بەرۋ مەن اكادەميالىق ارىپتەستىك سالاسىنداعى مەموراندۋمعا م. وتەمىسوۆ اتىنداعى ب ق م ۋ رەكتورى، پروفەسسور اسحات يمانعاليەۆ پەن «L'Orientale»  نەاپول ۋنيۆەرسيتەتىنىڭ رەكتورى، پروفەسسور ەلدا مورليچچيو (يتاليا) قول قويدى.

بۇل كەلىسىم ورتاق باعدارلامالار جاساقتاۋ مۇمكىندىكتەرىنە، ستۋدەنتتەر مەن وقىتۋشىلاردىڭ اكادەميالىق الماسۋلارىنا، ءوزارا بىلىكتىلىكتى ارتتىرۋعا، عىلىمي سيمپوزيۋمدار مەن مادەني شارالاردى بىرلەسە ۇيىمداستىرۋعا جول اشادى.

مەموراندۋمعا قول قويۋ ءراسىمى «L'Orientale»  نەاپول ۋنيۆەرسيتەتىندە قازاقستان رەسپۋبليكاسىنىڭ ريمدەگى ەلشىلىگى قىزمەتكەرلەرىنىڭ قاتىسۋىمەن ءوتتى.

يتاليالىق جوو رەكتورى باتىس قازاقستان ۋنيۆەرسيتەتىنىڭ قۇرمەتتى پروفەسسورى اتاندىسالتاناتتى شارا كەزىندە باتىسقازاقستاندىق جوو باسشىسى ا. يمانعاليەۆ نەاپول ۋنيۆەرسيتەتىنىڭ رەكتورى ەلدا مورليچچيوعا «م. وتەمىسوۆ اتىنداعى ب ق م ۋ- دىڭ قۇرمەتتى پروفەسسورى» كۋالىگىن تابىس ەتتى.

كۇنى بۇگىن باتىس قازاقستان مەملەكەتتىك ۋنيۆەرسيتەتى 100 دەن استام ەۋروپا، ازيا، ا ق ش جانە رەسەي ءبىلىم بەرۋ ۇيىمدارىمەن كەلىسىمگە قول قويىپ، بايلانىس جاساۋدا. مىسالى، ب ق م ۋ- دا وڭتۇستىك كورەيادان دوكتور لي چجون حيۋن ەكى جىل بويى اكادەميالىق ۇتقىرلىق اياسىندا توپ-مەنەدجەر رەتىندە كوپتىلدىلىك ينستيتۋتىنىڭ جەتەكشىسى بولىپ قىزمەت جاساسا، 2018-جىلدان پولشا ەلىنەن ۇلى كازيمير ۋنيۆەرسيتەتىنىڭ پروفەسسورى اننا بانچكوۆسكا كەلىپ، قىزمەتىن باستاۋدا.

ايتا كەتەيىك، م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتى بۇگىندە 16 حالىقارالىق قاۋىمداستىق پەن جوبالاردىڭ سەرىكتەسى بولىپ وتىر، ولاردىڭ اراسىندا ەۋروپا عىلىمي قوعامى (گاننوۆەر، گەرمانيا)، REGENA جوعارى وقۋ ورىندارىنىڭ قاۋىمداستىعى، امەريكا زاڭگەرلەر قاۋىمداستىعى (ا ق ش)، Erasmus Mundus پەن ەۋروپالىق ۋنيۆەرسيتەتتەر قاۋىمداستىعى (EUA، بەلگيا) جانە تاعى باسقالار بار.