قىزىلوردادا يراندىق كۇرىش ەگىلەدى
سەرىكتەستىك ديقاندار كۇرىشتىڭ بۇل سورتىن بىلتىردان باستاپ سىناقتان وتكىزدى. العاشقىدا بار-جوعى 2 گەكتارعا ەگىلگەن سۇرىپ بىلتىر 70 گەكتارعا ارتقان. ءونىمدى يران ەلىنە جونەلتۋگە جول اشىلدى. ەندىگى كەزەكتە جەرگىلىكتى ديقاندار سول مەملەكەتتەن تۇسكەن تاپسىرىستى ورىنداۋعا نيەت تانىتىپ وتىر.
«2016-جىلى يرانعا جول ءتۇستى. وندا كۇرىشتىڭ اتالعان سۇرپى ەرەكشە سۇرانىسقا يە ەكەنىن اڭعاردىم. باعاسى دا بىزدەن 5-6 ەسەدەي قىمبات. جاڭا سورتتى الىپ كەلۋ بىزگە وڭايعا تۇسكەن جوق. العاشقىدا 2 گەكتارعا ەگىلگەن كۇرىش القابىنان كوڭىلدەگىدەي ءونىم جينادىق»، - دەيدى سەرىكتەستىكتىڭ باس ديرەكتورى نۇرلان ىزدىبايەۆ.
ايتا كەتەرلىگى، سەرىكتەستىك ماماندارى العاشقى الىپ كەلگەن تۇقىم مەن ءبىر جىلدان كەيىن ەككەن تۇقىمدى سالىستىرىپ كورگەن. الماتىداعى ارنايى زەرتحانادا وتكەن ساراپتاما بارىسىندا تۇقىمنىڭ بارىسى دا، قۇرامىنداعى ەلەمەنتتەرى دە بايي تۇسكەنىن اڭعارعان. وسىلايشا جەرگىلىكتى ديقاندار يراندىق ارىپتەستەرىمەن ىسكەرلىك بايلانىس ورناتا وتىرىپ، كەلەشەكتە يراندىق كۇرىش سورتى القابىن ارتتىرۋعا ءمان بەرمەكشى.