جول ەرەجەسىن بۇزۋدىڭ الدىن الاتىن ەرەكشە قۇرىلعى قولدانىلا باستادى

None
None
نۇر-سۇلتان. قازاقپارات - فرانسۋزدار ەرەكشە الەۋمەتتىك جوبا ويلاپ تاپتى: باعدارشامداعى قىزىل جارىقتى ەلەمەي جولدى قيىپ وتپەك بولعانداردىڭ ۇستىنە سۋ شاشىراتاتىن.

وسىلايشا، وي ۇستىندە كەتىپ بارا جاتىپ، قىزىل جارىقتى بايقامايتىنداردىڭ ەسىن جيعىزاتىن، ءبىلىپ تۇرىپ، جولدى قيىپ وتپەك بولعاندارعا ەسكەرتۋ جاسايتىن جوبا قىتايدا دا قولدانىلا باستادى.

دالىرەگى، قىتايدىڭ حۋبي پروۆينسياسىنا قاراستى دايە قالاسىندا قولعا الىنعان ەكەن جول قاۋىپسىزدىگىن قامتاماسىز ەتۋدە تاپتىرمايتىن فرانسۋزدار جوباسى. ال جاسىل جارىق پايدا بولعاندا، جاياۋ جۇرگىنشىگە جولدان وتە بەرۋگە بولاتىنى ايتىلىپ قويماي، سونىمەن قاتار، جولدان جىلدام وتۋگە جانە قاۋىپسىزدىك تالاپتارىن ەستە ۇستاۋعا كەڭەس بەرىلەدى. ەگەر قىزىل جانسا، جۇيە جولدى قيىپ وتۋگە بەل بايلاعاندارعا سۋ شاشىرايتىنى جونىندە ەسكەرتۋ ايتىلادى. باعدراشام باعاناسى قوزعالىستى قالت ەتپەي باقىلايتىن داتچيكتەرمەن جابدىقتالعان.

بۇدان بولەك، جول ەرەجەسىن ەلەمەگەندەردى قۇرىلعى تاسپاعا تارتىپ الىپ، پوليتسياعا جونەلتەدى. وندا ادامنىڭ جەكە باسى ادامنىڭ ءجۇزىن تانۋ جۇيەسىنىڭ كومەگىمەن انىقتالىپ، جول ەرەجەسىن بۇزعاندارعا ءتيىستى شارالار قولدانىلادى. سونداي-اق، جول ەرەجەسىن بۇزعانداردىڭ سۋرەتى مەن اتى-ءجونى جول ايرىعىنداعى ەكراندا كورىنىپ تۇراتىن بولادى. اتالمىش جۇيە 200 مىڭ دوللار قارجىنى قاجەت ەتەدى. ياعني، تەڭگەگە شاققاندا شامامەن 65،5 ميلليون تەڭگە.


سوڭعى جاڭالىقتار