قىزىلوردادا جانارماي قۇيۋ بەكەتىن توناعاندار سوتتالدى

None
None
قىزىلوردا. قازاقپارات - قىزىلوردا وبلىسىنداعى قازالى اۋداندىق سوتىندا جانارماي قۇيۋ بەكەتىن توناعان ءۇش ازاماتقا ۇكىم شىقتى، دەپ حابارلايدى قازاقپارات ءتىلشىسى.

ايىپتالۋشىلار الدىن الا كەلىسىمگە كەلىپ، قازالى قالاسىنداعى جانارماي قۇيۋ بەكەتىن توناۋعا ۋاعدالاسادى. وندا كەزەكشىلىكتە وتىرعان وپەراتوردى تاياقپەن سوققىعا جىعىپ، ءوز ويلارىن جۇزەگە اسىرۋعا كىرىسەدى. بەتتەرىنە مەديتسينالىق بەتپەردە كيگەن بۇزاقىلار جانارماي بەكەتىنەن 417 مىڭ تەڭگە، 320 ليتر بەنزين تالونى جانە 1 ەلەكتروشوكەردى الىپ كەتەدى. بەكەت يەسىنە 467 مىڭ تەڭگەدەن استام شىعىن كەلگەن.

توناۋشىلاردىڭ ەكەۋى قىلمىستىق ارەكەتتى جاساسا، بىرەۋى سىرتتا ەشكىمنىڭ كەلىپ قالماۋىن باقىلاپ تۇرعان.

«باستى سوت تالقىلاۋىندا سوتتالۋشىلار تاعىلعان ايىپ بويىنشا كىنالارىن تولىعىمەن مويىندادى. سوت ۇكىمىمەن سوتتالۋشىنىڭ ءبىرى ق ر قىلمىستىق كودەكستىڭ 191-بابىنىڭ 2-بولىگىنىڭ 3-تارماعىمەن كىنالى دەپ تانىلىپ، وعان 4 جىلعا باس بوستاندىعىن شەكتەۋ جازاسى تاعايىندالدى ال، قالعان ەكەۋى ق ك- ءنىڭ 191-بابىنىڭ 2-بولىگىنىڭ 3, 4-تارماعى بويىنشا كىنالى دەپ تانىلىپ، ولارعا ق ك- ءنىڭ 55-بابى قولدانىلدى. ەكەۋىنە 1 جىلعا باس بوستاندىعىنان ايىرۋ جازاسى تاعايىندالدى. جازانى قىلمىستىق اتقارۋ جۇيەسىنىڭ قاۋىپسىزدىگى بارىنشا تومەن مەكەمەسىندە وتەۋ بەلگىلەندى»، - دەلىنگەن سوت ۇكىمىندە.

سوڭعى جاڭالىقتار