شەتەلدەگى قانداسىمىزدىڭ «شولاق قول كەلىنشەك» دراماسى سەمەيدە ساحنالادى

None
None
بايان- ولگەي. قازاقپارات - شىعىس قازاقستان وبلىسىنىڭ سەمەي قالاسىندا 27-29- ساۋىردە مونعوليا مادەنيەتىنە ەڭبەگى سىڭگەن قايراتكەر، جازۋشى، جۋرناليست شىناي راحمەت ۇلىنىڭ «شولاق قول كەلىنشەك» تراگەديالىق دراماسى قويىلادى، دەپ حابارلايدى قازاقپارات ءتىلشىسى.

ادامدىق اسىل قاسيەتتەر جومارتتىق پەن قايىرىمدىلىق تۋرالى سىر شەرتەتىن درامانىڭ قويۋشى رەجيسسەرى شىعىس قازاقستان وبلىستىق قازاق دراما تەاترىنىڭ ديرەكتورى ساحان اكەلەيەۆ، سۋرەتشىسى دانيار الدابەرگەنوۆ.

جازۋشىنىڭ «شولاق قول كەلىنشەك» دراماسى 1991-جىلى ۇلى اقىن، اعارتۋشى اقىت ءۇلىمجى ۇلىنىڭ شىعارماشىلىعىنا نەگىزدەلىپ جازىلعان. 1991-1993-جىلدارى بايان-ولگەي ايماعىنىڭ مۋزىكالىق دراما تەاترىندا كورسەتىلىپ، كوپتىڭ كوڭىلىنەن شىققان تۋىندى اۆتوردىڭ قازاقستاننىڭ ساحناسىنا تۇڭعىش قويىلاتىن پەساسى بولماق.

ايتا كەتەرلىگى، جازۋشىنىڭ مۇنان باسقا موڭعوليا قازاقتارىنىڭ اراسىنان شىققان ازىرگە جالعىز باتىر، حالقىن- گول شايقاسىنىڭ قاھارمانى - ىكەي ءمازىم ۇلى جايلى جازىلعان «جار تىلەگى» پەساسى جانە «ەندى قايتۋ كەرەك»، «بۇركىت» سەكىلدى ونعا تارتا پەسالارى بار. بۇل تۋىندىلار ايماقتىق مۋزىكالىق دراما تەاترىندا جانە ولكەلەردىڭ حالىقتىق تەاترلارىندا قويىلىپ كەلەدى.

سوڭعى جاڭالىقتار