سالقام جاڭگىر حان مەن جالاڭتوس باھادۇرگە ەسكەرتكىشتەر ورناتىلدى
ونىڭ حاس بەتىندە سالقام جاڭگىر حان مەن جالاڭتوس ءباھادۇر باتىرلارعا ارنالعان ەسكەرتكىش اشىلدى، دەپ حابارلايدى قازاقپارات ءتىلشىسى.
شىمكەنت- تاشكەنت حالىقارالىق كۇرە جولىنىڭ بويىندا سالىنعان «باتىر بابالار» مەموريالدىق كەشەنى الاڭىنىڭ سىرتقى جاعىندا بىرنەشە پاننولار ورنالاسقان. ونىڭ ءبىرى «اقتابان شۇبىرىندى، القاكول سۇلاما» اتانعان زار زاماندى بەينەلەسە، ەكىنشىسىندە وربۇلاق شايقاسىنىڭ كورىنىستەرى ايشىقتالعان. قابىرعادا ۇلى جەڭىسكە قول جەتكىزۋدە ەرەكشە كوزگە تۇسكەن ەكى قولباسشىمەن بىرگە ساردار باتىرلاردىڭ اتى- جوندەرى وشپەستەي ەتىپ، گرانيت تاسقا قاشالعان. ال، قوس باتىرعا سالىنعان قولا ءمۇسىننىڭ بيىكتىگى 12 مەتردى قۇرايدى. وسىناۋ تاريحي ەسكەرتكىشتەر مەتسەنات بەكەت تۇرعارايەۆتىڭ باستاماسىمەن سالىندى. تاس ءمۇسىننىڭ اشىلۋ سالتاناتىنا ەلىمىزدىڭ قوعام قايراتكەرلەرى، تانىمال عالىمدار مەن جازۋشىلار ارنايى كەلدى.
«حالىق ءوزىنىڭ تاريحى قانداي، جۇرتى قانداي بولعانىن ءتۇيسىنۋى كەرەك. الداعى ۋاقىتتا وسىنداي يگى ىستەر جالعاسىن تابا بەرەدى دەپ ويلايمىن. ەل بولعاننان كەيىن ەلدىڭ يگىلىگىنە كوڭىل ءبولۋدى جەكەلەگەن ازاماتتار دا ءوزىمنىڭ پەرزەنتتىك پارىزىم، قارىزىم دەپ ءتۇسىنۋى كەرەك»، - دەدى مەتسەنات بەكەت تۇرعارايەۆ.
جيىندا ءسوز سويلەگەن قوعام قايراتكەرلەرى تاس تۇعىردىڭ ماڭىزدىلىعىنا توقتالدى. قازاق جاۋىنگەرلەرى جوڭعاردىڭ 50 مىڭ اسكەرىن وربۇلاق تۇسىندا توقتاتىپ، 10 مىڭ اسكەرىن جويعان. كەيىننەن جاڭگىرحانعا 20 مىڭ قولدى باستاعان جالاڭتوس باتىر كومەككە كەلىپ، ويسىراتا جەڭگەن. قيىن- قىستاۋ كۇن تۋعاندا قازاقتىڭ «ءبىر ءۇيدىڭ بالاسى، ءبىر قولدىڭ سالاسىنداي» بولاتىنىن تۇعىرعا قونعان باتىرلار كورسەتتى. ال، تاريحتاعى شىندىق تەك ەل تاۋەلسىزدىگىنەن كەيىن ايتىلدى.
«بۇل ەسكەرتكىش ەكى ءىرى تۇلعانىڭ قاتار تۇرعان كورىنىسى. ەكەۋى دە ۇلى تۇلعا. ەكى تۇلعاعا ارنالعان ەسكەرتكىشتىڭ قاسيەتتى قازعۇرت تاۋىنىڭ ەتەگىندە ورنالاسۋى بۇل بىرلىككە قىزمەت جاسايدى. بۇل بابالاردىڭ ارمانىنىڭ ىسكە اسقانىنىڭ كورىنىسى. وسى شارۋانىڭ ءبارىن ۇيىمداستىرىپ جۇرگەن بەكەت تۇرعارا ۇلىنا العىسىمىز شەكسىز»، - دەدى ق ر ارداگەرلەر ۇيىمى ورتالىق كەڭەسى ءتوراعاسىنىڭ ءبىرىنشى ورىنباسارى ءومىرزاق وزعانبايەۆ.
اۆتور: اينۇر اقبايەۆا